Monday, September 13, 2010

மேடைக் கூத்தாடி





முச்சந்தி வீதியில்
தோல் செண்டையடித்து
ஊருக்கு ஒதுக்குபுறத்தில்
ஓலக் கொட்டகையில்
ஆறடி மேடையமைத்து
இதிகாசக் கதைகளுக்கு
முகச்சாயம் பூசி
கூடிநிற்கும் மக்கள்பார்க்க
ஆடிடும் பாடியும் கூத்திட்டு
வயிறு நிரப்பி வந்தவர்கள்
காலம்போன போக்கிலே
வெள்ளப்பய கொண்டுவந்த
வெள்ளித்திரையில நுழைஞ்சு
பொய்யான  காட்சிகள
நெசமாகக் காட்டி
ஊருப்பய நெஞ்சுக்குள்ள
உத்தமர்களா ஏறிநின்னு
வீதிக்கொரு கூட்டம்சேர்த்து
ஊர்மக்க காசுல
உல்லாசமாய் உலவிகிட்டு
நானா நீனா பெரியவன்
உள்ளுக்குள்ள சண்டைபோட்டு
ஆளுக்கொரு கொடிபிடித்து
வீதிநெடுக கைகூப்பி
அரியணை இருக்கைதேடி
கூட்டமாய் புறப்படுது
மேடைக் கூத்தாடிகள்
என்றோ ஒரு காலத்துல
நல்லவங்க ஆண்டதை
நினைவுல வச்சிக்கிட்டு
மதிகெட்ட மக்களும்
கோஷம்போட்டு பின்னாலே ......

2 comments:

  1. வித்தியாசமான பார்வை நண்பரே...

    ReplyDelete
  2. வாவ். சம்மட்டி அடி என்பது இது தான்..

    ReplyDelete

LinkWithin

Related Posts Plugin for WordPress, Blogger...