Tuesday, April 26, 2011

கிராமத்து நினைவுகள்



திரவனுக்கு முன் எந்திரிச்சு
முற்றம் தெளிச்சு கோலமிடும்
கன்னிப் பெண்களும் பொம்பளைங்களும்
கலப்பையை தோளில் ஏந்தி
காளைகளை கையில் பிடித்து
காடுகரைக்கு புறப்படும் ஆம்பளைங்க

யிரம் பேர்வச்சு கருதறுத்து
மலையா குவியும் நெல்லை
உறவுக்கு மிஞ்சி போக
ஊருக்கு படி அளந்தது

ழவுக்கு காளை மாடுகளும்
ஊருக்கு பால் அளக்க
பசுக்களும் எருமைகளும்
உறவுக்கு பால் கொடுக்க
வெள்ளாடுகளும்

ருவது கை சமைச்சு
பச்ச வாழயில விரிச்சு
நீண்ட வரிசையில உட்காந்து
உறவுகளுடன் ஒருவேளைச் சாப்பாடு


த்துநாள் கோவில் திருவிழா
ஊர் உறங்காத இரவுகள்
வில்லுப்பாட்டு கதைகளும்
புராண மேடை நாடகங்கள்
கூத்தாடிகளின் ஆட்டமும்
விடியல் வரை ஓடும்
திரைகட்டிய சினிமா படங்கள்

திரவன் சாயும்   சாயங்காலம்  
வீட்டுக்கு திரும்பும் ஆம்பளைங்க
குளிக்க சுடுதண்ணி போட்டு
காத்திருக்கும் பொம்பளைங்க
தெருவில் கூடி விளையாடும்
சின்னப் பயல்களும்
ஊர்கதை பேசும் பெருசுகளும்

மேக்காட்டு மலை அடிவாரத்தில
தெளிந்தோடும் ஆற்றுத் தண்ணியில
உடுதுணிகளை துவைக்கும் பெண்ணுங்களும்
முங்கி குளிக்கும் ஆம்பளைங்களும்
மீன் பிடிக்கும் சிறுவர்களும்

கைவிரல் கணக்கில் அடங்காத ரத்தஉறவுகள்
ஒரு அடுப்பெரிச்சு சோறுபொங்கி
ஒண்ணா இருந்து சாப்பிட்டு
உறவுகள் உறங்கும் ஒருவீடு

காலத்தின் சுழலில
நாகரீக மிருகம் விழுங்கிரிச்சு
என் கிராமத்தின் அந்த
அழகிய பொற்காலங்களை

ன்றும் சில தனிமைகளில்
அந்த பொற்காலங்களை எண்ணுகையில்
விழியில் கசிகிறது நீர்த்துளிகள்

2 comments:

  1. கிராமத்த்து நினைவுகள் அருமை பாராட்டுக்கள்

    தமிழ்த்தோட்டம்
    www.tamilthottam.in

    ReplyDelete
  2. //தமிழ்த்தோட்டம் கூறியது...
    கிராமத்த்து நினைவுகள் அருமை பாராட்டுக்கள்//

    மிக்க நன்றி தமிழ் தோட்டம்

    ReplyDelete

LinkWithin

Related Posts Plugin for WordPress, Blogger...