Sunday, May 22, 2011

விருப்பு / வெறுப்பு

அவனை(ளை) தனக்கு பிடிக்கும்
சில அடையாளங்களை சொல்லி
விரும்பிகளை உயர்த்தும் மனிதர்கள்


ஏனோ வெறுக்கிறேன் அவனை(ளை)
இல்லாத கரணங்கள் தேடி
வெறுப்பால் தாழ்த்தும் மனிதர்கள்


தன் விரும்பிகளில் பிழைகள்
ஊருக்கு அம்பலமாக வெளிச்சமானாலும்
ஞாயக் கொடிபிடிக்கும் மனிதர்கள்


வெறுப்பவனை ஊர் போற்ற
நன்மையின் உன்னதம் தெரிந்தும்
உள்ளம்தயங்கி நிற்கும் மனிதர்கள்


உள்ளம்விரும்பி உடனிருப்பதால்
அவர்கள் பிழைகள் சரியென்பது
தம்மை தாமே ஏமாற்றுபவர்கள்


தன்னில் எட்டி நிற்பவர்களிடத்தில்
மன இடைபழகுதல் வேலியிட்டு
எதிரி முத்திரை அகத்திரையிடுதல்


மனித நல் இடைபழகுதல்
மனசை மனசு வாசிக்கையில்
வெளிச்சமாகிறது கள்ளங் கபடம்


விருப்பு வெறுப்பு முகமூடிக்குள்
தங்களை ஒழித்துக் கொள்கிறது
பாசாங்கு செய்யும் மனங்கள்


ஒரு சில உடன்பாடுகளில்
தத்தம் வாழ்கையை நகர்த்துகிறது
இரத்த பந்த உறவுகள்


மனித விருப்பு வெறுப்பு
உள்ளத்தை பக்குவபடுத்தும்
உண்ணதமான பொக்கிஷம்


அகத் தராசை சமபடுத்தி
உள்ளத்தை ஆளும் மனிதர்கள்
உயர்ந்து நிற்கிறார்கள் இறைசன்னதியில்

No comments:

Post a Comment

LinkWithin

Related Posts Plugin for WordPress, Blogger...