Saturday, July 2, 2011

உழைப்பின் நிர்வாணம்


தொடரும் வாழ்க்கை பயணம்
அவரவர் பிழைப்பைத் தேடி
வீதியில் நிரம்பும் மனிதர்கள்


நித்தம் துரத்தும் கடமைகள்
நாழிகையை விழுங்கும் காலம்
அவசரத்தில் துவளும் மனிதர்கள்


சுழலும் பகல் இரவுகளில்
நித்த தேடலுக்கான நெட்டோட்டம்
பல வேஷமிட்டு மனிதர்கள்


மதியின் ஆற்றலை எழுப்புபவன்
உடலின் வியர்வையை ஒழுக்குபவன்
இடையே உதிரத்தை சிதறவிடுபவன்


பாட்டன் சொத்தை வளர்ப்பவர்கள்
மாத ஊதியத்திற்கு கடமைசெய்பவர்கள்
தினக் கூலிக்கு உழைப்பவர்கள்


இருப்பவன் தேடுபவன் இல்லாதவன்
எத்தனை நிறங்களில் மனிதர்கள்
இறைவனின் பேத அடையாளங்கள்


வெறுமையாய் வந்தவன் வெறுமையாய்
தேடுதலின் நிர்வாண உண்மைகள் 
ஊருக்கு அப்பட்டமான வெளிச்சம்



சொந்தமற்ற அற்ப இரவல்கள்
உழைப்பைக் கொண்டு தேடுபவைகள்
முடிவின்றி தொடரும் மனிதத்தேடல்

1 comment:

  1. அருமையான சிந்தனை..

    வாழ்த்துக்கள்.

    ReplyDelete

LinkWithin

Related Posts Plugin for WordPress, Blogger...