Thursday, July 18, 2013

கர்மப்பிழை



பாலையில் விதைத்த 
நெல்மணிகளாய் வாக்குறுதிகள் 
பருவகாலம் மறந்த 
உயிர்ப்பின் தவக் காத்திருப்புக்கள் 
விரக்கதியில் தூக்கிலேறிய 
நம்பிக்கையின் சடலத்தில் துர்நாற்றம் 
வாழ்க்கை வீதியில் 
சுவடு பிடரி இழைகிறது கர்மப்பிழைகள் 

Monday, July 8, 2013

சூரிய முடிச்சு




நெருப்பை 
உண்ணும் கதிரொளிகள் 
வீதி வெட்கையில் ரகசியமாய் 
ஈரங்கள் களவுபோவதாய் ஊர்பேச்சு 
அநாகரீகம் தேங்கிய 
காலக் குட்டையில் துர்நாற்றம் 

Tuesday, July 2, 2013

மரங்கள்



*மரங்களை 
வரைந்து கொண்டிருந்தேன் 
மழையை தூவிச் சென்றது காற்று



*தொப்பலாய் நனைந்ததில் 
 மேலாடை விலகியதறியாது 
வீதியில் நிற்கிறது வெட்கமில்ல மரங்கள் 




*கொலையுண்ட மரம் 
சலசலப்பு ஒப்பாரியில் 
சபித்தபடி பறந்தன பறவைகள் 



*காற்று
இறந்த வீதியில்
மௌன அஞ்சலி செய்கிறது மரங்கள் 



*வீதியோரங்களில் 
வெட்கையில் இறந்த  குழந்தைகளை 
மடியில் ஏந்தி நிற்கிறது தாய்மரங்கள் 

LinkWithin

Related Posts Plugin for WordPress, Blogger...