Thursday, December 11, 2014

இரண்டு காட்சிகள்

கால்கடுக்க
வாசலில்  எதிர்பார்த்து நிற்கிறாள்
குழந்தை அழும் சத்தம் கேட்கிறது
உள்ளே ஓடுகிறாள்
வெளியே வருகிறாள்
முக்குக் கடையில் 
ஒரு பால் பாக்கெட் வாங்கி வரச்சொல்கிறாள்
தெருவில் விளையாடும் சிறுவனிடம்
நேரம் கடந்தது
சிறுவன் வந்தான்
பால் பாக்கெட்  தீர்ந்து விட்டதாக சொல்கிறான்
பக்கத்துக் கடையில் கேட்டியா
அங்கேயும் இல்லை  என்றும் 
பாக்கத்து ஊருக்குத்தான் போகணும் என்றான்
அழுவதை நிறுத்துவதாக இல்லை  குழந்தை
சீனித் தண்ணீரை வாயில் தொட்டு வைத்து
குழந்தையை சற்று நேரத்திற்கு உறங்கச் செய்துவிட்டாள்
மீண்டும் வெளியே வந்தாள்
இளவெட்ட பசங்க சிலர்
வேகமாக பைக்கில் போயிக்  கொண்டிருந்ததை பார்த்தாள்
சற்றே தூரத்தில் இருக்கும் ஒரு சின்ன நகரம்
அங்கேயே நிற்பர்களும்
வீதியில் போவோரும் வருவோரும்
எதோ ஒரு அறையப்பட்ட உருவத்தை அண்ணாந்து பார்க்கிறார்கள்
கூடி நிற்பவர்கள் கரவோசையையும்  
விசில் சத்தத்தையும் எழுப்பிக் கொண்டிருந்தார்கள்
சதசதவென கீழே ஈரமாகிக் கொண்டிருந்தன
வழியும் அந்த நீர் வெள்ளை நிறத்தில் இருந்தது
அது என்னவென்று கேட்காதீர்கள்
இதேபோல் எதோ ஒரு வீதியில் யாரோ ஒருத்தி நிற்கிறாள்
வேறொரு நிலமும் ஈரமாகிறது 
அங்கு நானும் நீங்களும்
நிற்கிறோம் வேடிக்கை பார்த்தபடி

Sunday, December 7, 2014

உயிர் திசை


நடைவழியில்
எறும்புகளுக்கு இரையாகிக் கொண்டிருந்தது
பெயரறியா பறவை ஒன்று
இரை தேடியோ எடுத்தோ
இவ்வீக்கு  வந்திருக்கக்கூடும்
உருவத்தில் தாய் பறவைபோல் தெரிந்தது
சாரை சாரையாய் வந்த எறும்புகள்
இழுத்துச் சென்றுகொண்டிருக்க
கொழிந்து விழுந்த ஓர் இறகு மட்டும்
எதிர் திசைநோக்கி பறக்க  ஆரம்பித்தது
குஞ்சுகள் பசித்திருக்கும்
அப்பறவையின் கூடு அத்திசையில் இருக்கலாம் 

LinkWithin

Related Posts Plugin for WordPress, Blogger...