செய்தாலி

இனிக்கும் காதல் ரணங்கள்

2012-01-31T10:10:00.001+04:00

அவளைச்

சூழ்ந்திருக்கும் காற்றலைகளில்

கலந்திருக்கிறது அவளைப்பற்றிய

என் நினைவுகள்

அவளுடனான

ஆழ்மன இஷ்டத்தை

மௌனத்தில் உணருகையில்

அமிர்தமாய் இனிக்கிறது உயிர்

தொலைதூர

இடைவெளி இரவுகளிலும்

என் உறக்கத்தை களவாடுகிறது

அவள் நினைவுகள்

சுவாசிக்கும்

காற்றினில் உணர்கிறேன்

அவள் மூச்சுக்காற்றின் ஸ்பரிசம்

என்னைச்

சுற்றி எழும்பி ஒலிக்கும்

ஓசைகளில் அவள் குரலொலிகள்

என்

விழிகள் பார்க்கும் இடமெல்லாம்

அவளின் பிம்பங்கள்

அதிகாலை

பனித்துளிகளாய் மாறி

ஜீவன் நனைக்கிறாள்

நட்டுச்சிக்

கதிரவன் போல்

உள்ளத்தை சூடேற்றுகிறாள்

இரவினில்

தேயும் நிலவைப்போல்

மீத உயிரையும் தேய்க்கிறாள்

அவள்

இல்லாத தனிமைகளில்

உயிர் வதைக்கும் சித்ரவாதையின்

பொருள் உணர்கிறேன்

காதல்

வதைக்கும் ரணம் தான்

அந்த ரணத்திலும் உணர்கிறேன்

வாழ்கையின் இனிமையை

மணமாலையில்

பூத்த உன்னுடனான காதலை

மரணம் வரை வேண்டுகிறான்

நம்மை இணைத்த இறைவனிடத்தில்

விலைபோகாத மனித(மீ )ன்

2012-01-29T18:24:00.002+04:00

வாங்க வாங்க

பிடைக்கிற மீனுங்க

நல்ல கொளத்து மீனுங்க

இன்னைக்கு காத்தால புடுச்சதுங்க

மனிதர்கள் நிரம்பிவழியும்

நகரச் சந்தையில்

சத்தாய் கூவிக் கொண்டிருந்தான்

மீன் விற்பவன்

நல்ல மீனா

என்ன விலை

எவ்வளவுக்கு கொடுப்பீங்க

இவ்வளவுதான் தருவேன்

கூடிவந்து

வேடிக்கை பார்த்தவர்களில்

சிலர் தற்கித்தனர்

ஒருசிலர் வாங்கிச் செற்றனர்

வாங்க பாருங்க

நல்லா காஞ்ச

உப்பில ஊருண

அல்வா துண்டாட்டமான கருவாடுங்க

எதிர்திசையில்

காய்ந்த கருவாடை தூக்கிக்காட்டியபடி

வருபவரை பார்த்துக் கூவினான்

கருவாட்டுக் கடைக்காரன்

அங்குவந்த

ஒருசில கருவாட்டுப் பிரியர்கள்

தேர்ந்த கருவாட்டுப் பொட்டலத்தை

வாங்கிச் சென்றனர்

கதிரவன்

உச்சிக்கு வருமுன்

கூடையில் பிடைத்த மீன்கள்

விற்றுத்தீர கிளம்பினான் மீன்காரன்

விலைபோகாமல்

ஈக்கள் மொய்த்துக் கொண்டிருந்த

காருவாட்டுக் கூடையை மூடினான்

நாளைய வியாபாரத்திற்காக கடைக்காரன்

குறுகிய

நேரக் காலஅளவில்

சற்றென விலைபோனது

உயிருள்ள சில மீன்கள்

காலம் பழகியும்

பிடைத்து செத்த மீன்கள்

காலம் கடந்தும் விலைபோகிறது

கருவாடாய்

பிந்திய ஓர்நாள்

கடைகள் அடைக்கப்பட்டிருந்தது

மனித நிழல்கள் இன்றி

மயானமாய் சந்தை வீதி

நேற்று ராத்திரி

ஒரு மீன்காரர் செத்துட்டார்

இன்னைக்கு துக்க நாள்

நாளைக்கு வாங்க

மீன்வாங்க வந்து

ஏமாந்து திரும்பிய ஒருவர்

வழியோரத்தில் விசாரித்தார்

கடையடைப்பின் காரணத்தை

சற்றென

சங்குச் சத்தமும் பன்னீர் வாசம்

பாடையில் உதிரும் மலர்களும்

சந்தை வீதியை அலங்கரித்தது

இறந்தும்

விலைபோகாமல்

பாடையில் மயானக் கழிவாய்

நேற்றுவரை மீன் விற்றவன்

மனுஷ மிருகம்

2012-01-12T13:39:00.000+04:00

எல்லா மனிதனின்

அகச் சிறைகளில் உறங்குகிறது

ஒரு மனுஷமிருகம்

நச்சுக் கூர்மைகள்

ஆழ்மனதை இரண்டாகக் கீறுகையில்

சலனப்படுகிறது அகத்தில் உறங்கும்

மனுஷமிருகம்

சில சீண்டல்களில்

கூரமான செய்கைகளில்

கோர நிகழ்வுகளில் விலங்கை உடைக்கிறது

மனுஷ மிருகம்

சுய வேதனையில்

அசூர வேகத்தில் காயப்படுத்துகிறது

விழியும் மதியும் இழந்த

மனுஷமிருகம்

காயப்பட்ட உறவுகள்

கண்ணீர் உதிர்க்கையில்

மௌனமாக அழுகிறது

மனுஷ மிருகம்

உயிர்த்தெழும்

மனுஷ மிருகத்தை

சீண்டி காயப்படுத்தாதீர்கள்

அன்புச் சிறைக்குள் பூட்டியிடுங்கள்

மனுஷ மிருகத்தை

சலனம் செய்யாதீர்கள்

அதுவும் ஓர் உணர்வுதான்

...? மகான் அல்ல

2012-01-10T11:51:00.001+04:00

நூல் இழை

வாழ்க்கை பாதை அது

சறுக்கித் தடுமாறுபவர்கள்

விதியை பழிக்கிறார்கள்

மெல்லிய பாதை அது

இடையே அறுபடுகையில்

மரணத்தை முத்தமிடுகிறார்கள்

தவறி விழுபவர்கள்

விரிந்து

நீளும் இப்பாதையில்

அக்கறை கடந்தவர்கள் யாரோ

இறைவனுக்கே வெளிச்சம்

சுய

உணர்வும் உணர்ச்சியுமுள்ள

சதை பொதிந்த உயிர்கள்

சிரிக்கிறது அழுகிறது

இங்கு

ஆத்மாக்களும் அழுவதுண்டு

தன்சதை பிரிந்த துக்கத்தில்

ஏட்டினில்

தீட்டிப் பொறிக்கப்பட்ட

நன் வாழ்க்கை முறைகள்

கரத்தில் எடுத்தோர் எழுதியதுண்டோ

வெட்ட வெளிச்சத்தில்

சுயவாழ்வின் இருளை உணர்ந்தும்

துக்கத்தில் பொட்டிச் சிரிப்பவர்கள்

மதி மழுங்கியவர்கள்

சுயத்திலும்

உறவுகளிலும் உதிர்ந்தொழுகும்

கண்ணீரை பனித்துளி என்றும்

உதிரத்தை தேன்துளி என்றும்

அகத்தில் சாந்தம் கொள்வதற்கு

...? மகான் அல்ல

சறுக்குகள்

2012-01-09T15:45:00.002+04:00

சொல்லுதலில்

இடைபுகாத கவிநயம்

வார்த்தை அகரக் கோர்ப்பில்

திணறும் கவிஞன்

சாயங்கள்

கலைந்து கீழ் உதிர

ஆடை துறந்த நாணத்தில்

கீழ்தணியும் அகம்

ஜனன மரண

இறை விஷ்மயத்தில்

ஏகப் பெருமூச்சில் விழிபிதுங்கும்

அறிவில் உயர்ந்த மனிதன்

உயிர்த்தெழுவேன்

2012-01-09T14:27:00.000+04:00

கனவுகளில்
உள் விழிகள் கண்ட
நிழல்களின் நிஜங்களைத் தேடிய
வாழ்க்கை பயணத்தில்
காயங்களோடு திரும்பியது
மதியும் மனமும்

கனவுகளே
விழிகளோடு கோபம்வேண்டாம்
வருகையைத் தொடருங்கள்

இறகுகளின்
காயங்கள் ஆறியபின்
சூரியனை நோக்கி
மீண்டும் பறக்கும்
பீனிக்ஸ் பறவையைப்போல்
மீண்டும் உயிர்த்தெழுவேன்

-இது ஒரு மீள் பதிவு (தேவைப் பட்டதால் )

கருணை வற்றிய இறைவன்

2012-01-05T15:51:00.000+04:00

சில தருணம்

கருணை வற்றுகிறது

இறைவனிடத்தில்

கண்ணீர்

உதிரம்

உயிரென

மனிதர்களில் உதிர்கிறது

வலிவிழந்த

அற்ப மனிதனிடத்தில்

தன் வலிமையை காட்டுகிறான்

வல்லமைபடைத்த இறைவன்

நன் மனிதர்கள்

கண்ணீர் உதிர்க்கையில்

மேலிருந்து ஏளனமாய் சிரிக்கிறான்

கருணை வற்றிய இறைவன்

வாடகை நண்பன்

2011-12-29T12:26:00.000+04:00

நகருக்கு

ஒதுக்குபுறத்தில் அலுவலகம்

அதன் சிறு தூரத்தில்

தங்கும் சிறு விடுதி

அன்று

முதல்நாள் பட்ட பகலிலும்

வியர்க்கும் அளவிற்கு பயமுறுத்தியது

மூனேமுக்கால் சுவருகளும் கதவும்

அன்றைய இரவில்

தனித்து உறங்க முயற்ச்சித்து

பயத்தில் அயர்ந்து தூங்கினேன்

நன்றாய் விடிந்த பிறகு

சில

நாட்களின் ஓட்டத்தில்

நல்ல நண்பர்களாய் இணைந்தோம்

தொடர்கிறது இன்றுவரையிலும்

உன்சுவற்றை

ஆணியால் துளை இட்டபோதும்

சமையல் தருணத்தின் வெப்பத்திலும்

எனக்காய் சகித்தாய் வேதனைகளை

நான்

சிந்திய புன்னகையும் கண்ணீரையும்

உன் சுவற்று இடுக்குகளில்

ஒழித்து வைத்து இருக்கிறாய்

என்

நன்மை தீமை செய்கைகளை

உன் சுவற்றுக்குள் மூடிவைத்தாய்

அதற்கு நீயே சாட்சியானாய்

விடுமுறைகளில்

விடியலில் வெளியே சென்றாலும்

இரவினில் தலையசைக்க

உன்மடியை நாடிவருகிறேன்

என்

உணர்வுகளை உணர்ந்த

பந்த உறவுகளின் வரிசையில்

நீயும் ஓர் உறவு

இது

காலத்தின் கட்டாயம்

ஆறாண்டு உறவை முறித்து

கண்ணீருடன் உன்னை பிரிகிறேன்

உன்

ஓசையற்ற மௌனப் புன்னகையில்

உன்னுடனான நினைவுகளுடன்

படி இறங்குகிறேன்

மீண்டும் ...மீண்டும்...

2011-12-26T10:55:00.001+04:00

இன்பங்களில்

மலரும் புன்னகையும்

துன்பங்களில்

உதிரும் கண்ணீரும்

மனித வாழ்கையில் பதிவு செய்கிறது

வாழ்வின் அர்த்தங்களை

ஒரு முறை

உயிர்த்தெழுந்து

மனித ஜீவனை உயிரூட்டி

மறுகணம் மரணத்தை முத்தமிட்டு

நினைவு வேலிக்குள் சிறைபடுகிறது

மனிதனின் வாழ்க்கை பயணத்தின்

உன்னத தருணங்கள்

அகம்

யாசித்த அந்த தருணங்கள்

மீளாதென்று அறிந்த பின்பும்

அதன்அழகிய நினைவுகளோடு

வாழ முற்படுகிறார்கள்

இங்கே சில மனிதர்கள்

அந்த

மனிதர்களின் வரிசையில்

இதோ நானும்

உழைப்பு ஒரு தேடல்

2011-10-31T14:50:00.003+04:00

உழைப்பு

மனிதன் வாழ்வதற்காக

இறைவன் அருளிய அற்புத

பொக்கிஷம்

இவன்

உயிருள்ள மனிதன்

உடல் உறுப்புக்களின் உழைப்பின்

உயிர்வெளிச்சம்

மண்

பொருள் உயிர்கள் உருவங்களில்

உழைப்பின் சில அடையாளம்

இரவல் உறவு

மனிதன்

மயானம் செய்கையில்

அவனில் உதிர்ந்து விழும்

அற்பங்கள்

உணர்வும்

உணர்ச்சிகளும் மனிதனின்

உழைப்பின் உருவமற்ற

ஆன்மா

மனிதனை

ஆட்டி வைப்பவர்கள்

அவன் ஆளவேண்டியவர்கள்

மனக் கோட்பாடு

எண்ணமும் செயலும்

நாளைய இறைசன்னதியின்

நன்மை தீமைகளின்

சாட்ச்சியாளர்கள்

உழைப்பில்

அகத்திலும் புறத்திலும்

நடுநிலையை பேணும் மனிதன்

உயர்கிறான் இறை அகத்தில்

அன்பு

காதல்

நட்பு

உறவுகள்

இவை மனித உழைப்பால்

மனிதன் தேட வேண்டியவைகள்

புன்னகையை

செலவு செய்து

உறவுகளை சேமிப்பவன்

உழைப்பில் உயர்ந்தவன்

முந்நூறு கிறுக்கல்கள்

2011-10-29T16:54:00.000+04:00

முந்நூறு

எழுத்துக் கிறுக்கல்கள்

கிறுக்கியது என் கரமாயினும்

கிறுக்கச் சொன்னது

சமூகம்

இவர்

இவர்கள் என் குருநாதர்

அடையாள பொய் சொல்லுகையில்

என்னோக்கி முகம் சுளிக்கும்

சமூக ஆசான்

படைப்பு

இறைவனால் ஆக்கப்பட்டது

மனிதர்களின் தேடல் படலத்தில்

உயிர்த்தெழுகிறது

அறிவு

கற்பவனுக்கும்

கற்றுத் தேர்ந்தவனுக்கும்

கற்றுக் கொடுப்பவன்

இறைவன்

சொல்படலம்

மெய்யா பொய்மையா

மனிதர்கள் தர்க்கிக்கலாம்

இறைவன் கையில் தான்

தீர்ப்பு

கையளவு

கற்றவனும் கற்காதவனும்

வாழ்கிறார்கள் மடிகிறார்கள்

கற்றதில் வாதம் கொள்பவர்கள்

வாழப் பயப்படுகிறார்கள்

வாழ்வின்

ஒவ்வொரு அசைவுகளிலும்

இறைவன் பதிந்து செல்கிறான்

அவன் இருப்பை

வாழ்க்கை

இறைவன் எழுதிய கவிதை

அதன் அதன் தருணங்களில்

வாசிக்கபடுகிறது

ஒரு

கவிதை வாசிப்பின் முடிவில்

மறுகவி பிறப்பெடுக்கும்

இது இயற்கை கூற்று

ஒன்றை

எழுதுகிறவன் எழுதும் முன்

தன் சிந்தைத் திரையில்

வாசிக்கிறான்

சிந்தையில்

எழுதும் வல்லமையுடைவன்

இறைவன் மட்டுமே

இது என்னதென்று மார்தட்டுவது

மடமை

எழுதத்

தெரியாதவன் கையில்

எழுதுகோல் கிட்டியதன் வினை

மௌனமாக அழுகிறது கிறுக்கலில்

கிறுக்கல்கள்

-செய்தாலி

காதல் ஒரு அடையாளமா ?

2011-10-25T10:54:00.001+04:00

காதலிக்கிறேன்

அவனும் அவளும் பரிமாறும்

சொல்லின் முடிவில் இறக்கிறது

அவர்களின் காதல்

அவர்கள்

காதல் செய்கிறார்கள்

செய்கை பதியும் அடையாளம்

அவர்களின் அபிநயங்கள்

பருவங்களில்

காதல் தளிர்கிரதாம்

வயதுக்குள் சிறைவைக்கிரார்கள்

காதல் ஞானமற்றவர்கள்

பிஞ்சுக் காதல்

பருவக் காதல்

கள்ளக் காதல்

வயோதிகக் காதல்

பெயர் அடையாள சுமையில்

மௌனமாக அழுகிறது காதல்

மனிதன்

தத்தம் உறவாடுவதர்காக

இறைவன் இட்ட பந்தமுடுச்சு

உறவுகள்

இறைவனின்

ஒருதுளிக் கருணைதான்

இந்த பூமியின் புன்னகையும்

மனித நேசமும்

உருவமற்ற

இறை அன்பினை

வயதுகளிலும் பெயரிலும்

அடையாள படுத்துதல் சரியோ ?

-செய்தாலி

எல்லா அன்பு உள்ளங்களுக்கும் என் தீப ஒளி திருநாள் நல்வாழ்த்துக்கள்

பிள்ளைக்கு மகளாய் தாய்

2011-10-20T09:38:00.001+04:00

ம்மா ...

திடுக்கிட்டு எழுந்தவன்

கண்ணைக் கசக்கி விழிதிறக்க

ஆறுமணியை காட்டியது கடிகாரம்

எழுந்தவன்

மெல்ல சோம்பலை முறிக்க

படுக்கையில் உதிர்ந்து விழுந்தது

அதுவரையிலான உறக்கம்

அம்மான்னு

சத்தம் போட்டது கேட்டுச்சு

கனவுல உங்க அம்மாவா

நக்கல் கேள்வியுடன் மனைவி

அம்மா

கூப்பிடுவது போல் சத்தம்

மனைவிக்கு பதிலத்தபடி

ஆயத்தமானான் காலைக் கடமைகளில்

மேஜையில்

கைபேசி அழைத்தபடி துடிக்க

கையில் எடுத்த மனைவியோ

ஹலோவுக்குப் பின் மௌனமானாள்

வாடிய

முகத்துடன் ஓடிவந்து

அவன்னோக்கி கைபேசியை நீட்டுகையில்

அவள்விழி உதிர்த்தது கண்ணீரை

அண்ணே ...

அம்மா..ம்மா தவறிருச்சி

ஊருக்கு உடனே புறப்பட்டுவா

அழுத குரலுமாய் தங்கை

அச்சேதி

இடியாய் நெஞ்சில் விழ

நாளத்தில் குருதியோட்டம் நிற்க

தளர்ந்து விழுந்தான் அவன்

வார்த்தைகள்

எங்கோ ஓடி ஒளிந்துகொள்ள

பேசா ஊமையைப்போல் மௌனமாக

அழுதது அவன் இதழ்கள்

ஊருக்கான

நாழிகைகளின் பயணத்தில்

வீடுவரை ஏங்கி அழுததில்

விழிகளில் வற்றியது கண்ணீர்

பேரூந்தில்

வந்திறங்கியவன்

தடுமாறி விழுந்தான் ஊர்வீதியில்

ஓடிவந்து எடுத்த உறவுகளோ

அவனைத் தாங்கியபடி அழுதது

நம்ம

வீட்டு வெளிச்சம் அனைச்சிருச்சு

உறவுகாத்த குலசாமியும் சான்ச்சிருச்சு

தலைமாட்டில் கதறினாள் தங்கை

அண்ணே ...

தாரை தாரையாக உதிரும்

கண்ணீருடன் ஓடிவந்த தம்பியோ

நெஞ்சோடு சேர்த்தழுதான் அவனை

உங்களுக்கெல்லாம்

பாலூட்டி வளத்தவளுக்கு

ஒருசொட்டு பாலூத்த ஆளில்லையே

பக்கத்து வீட்டுக் கிழவி

பெத்தபுள்ளங்க

உசுரோட குத்துக்கல்ல இருந்தும்

நாதியற்று உசுரவிட்டுட்டா

புலம்பியபடி அம்மாவின் தங்கை

பொழப்புக்காக

அங்க இங்கன்னு போயிட்டீங்க

கடைசி நேரத்துல பெத்தவள கவனிக்காமல்

சம்பாதிச்சு என்ன புரோஜனம்

உறவுக்காரர்களில் ஒருவர்

ப்பா..அப்பா

பாட்டி துனியைமூடி தூங்குது

எழுதிருக்க சொல்லுங்கப்பா

அவனின் இரண்டுவயது மகன்

பாட்டிக்கு

கொஞ்சம் உடம்பு சரியில்லை

பாட்டி தூங்கட்டும் என்றபடியே

மகனை வாரியெடுத்து அழுதான்

பத்துமாசம்

சுமந்து பெத்த தாயை

பாடையில சுமந்து கொண்டு

மயான பயணத்தில் அவன்

என்னப்பெத்த

தெய்வத்திற்கு கொள்ளி வைக்கவா

தலைப் புள்ளையாய் பிறந்தேன்

வாய்விட்டுக் கதறினான் அவன்

இரண்டாம் நாள்

இறுதிக் கிரிகைகள் முடிந்து

வீட்டுக்கு வந்தவன் கண்டான்

இரவல் புன்னகையிட்டு மனைவி

அவள்

காதில் எதோ முனுமுனுத்தாள்

ஆழ்ந்த துயர துக்கத்திலும்

மெல்ல மலர்ந்தது அவன்முகம்

நிச்சயமா

இது பெண்குழந்தை தான்

எங்கம்மா மறுபடியும் பிறக்கபோரா

எனக்கு மகளாய்

பிள்ளைக்கு

பாசத்தை ஊட்டிவளர்த்த தாய்

தன்பிள்ளைகளின் பாசத்திற்கு ஏங்கி

பிள்ளைக்கு மகளாய் தாய்

அவளின் அந்த ஆசை

2011-10-18T09:24:00.000+04:00

அன்று
அவளுடனான

ஒரு தனிமைப் பொழுதில்

என்

காதோரத்தில் மெல்லிதாய்

முணுமுணுத்தது அவள் இதழ்கள்

இதழ்கள்

உதிர்த்த ஓசைகளில்

அவளின் ஆழ்மனத்தின் ஆசைகள்

அங்கு

வெகுதூரத்தில் சாந்தமாய்

மனித வாசமற்ற ஓரிடம்

அன்றைய

வேலைமுடிந்து அசதியில்

உறங்கச் செல்லும்

கதிரவன்

உலவும்

மேகங்களுக்கு இடையில்

எட்டிப்பார்க்கும் மூன்றுவயது

நிலவு

இருளின்

ஒரு துளி சிதறிவிழ

நீல வானம் முகம்சிவக்கும்

அந்திமாலை

தன்

மெல்லிய கரங்களால்

கிச்சுகிச்சு மூட்டி வருடும்

தென்றல்

நிசப்தம்

உறங்கும் நம் புதுவுலகில்

நமக்குத் துணையாக

இயற்கை தோழமைகள்

மௌனம்

வழிந்தொழுகும் ஆற்றங்கரை

அதில் மெல்லத் தளும்பும்

நீரலைகள்

அந்த

நீரலைகளின் நடுவே

நமக்கு மட்டுமாய் அமர

ஒர்மேடை

சிம்மினி

விளக்கின் அகத்தினில்

மெல்லப் புன்னகைக்கும்

ஒளிச்சுடர் அலங்காரம்

நம்

சார்ந்த சலனங்களை

சிலநாழிகை மட்டும் களைந்து

பிறந்த குழந்தைகளாய்

அந்த

சாயான தருணத்தில்

மெல்லமாய் பேசிக் கொள்ளட்டும்

இதழ் திறக்கும் இதயங்கள்

புன்னகை

பாத்திரத்தில் பரிமாறவேண்டும்

நம் ஆழ்மனதில் உறங்கும்

எண்ணங்கள்

நம்

உணர்வும் உணர்ச்சிகளும்

தத்தம் தர்க்கங்களை களைந்து

கொஞ்சிக் குலவவேண்டும்

பசிக்கு

முத்தங்களை உண்டு

உமிழ்நீரை பருகி

காதல் தாகம் தணிப்போம்

உலகம்

உறங்கும் வேளையிலும்

விழிகள் விழித்திருக்கவேண்டும்

நம் உயிரும் இணைந்திருக்கவேண்டும்

அந்த

மெல்லிய முனங்களிலேயே

மார்பில் தலைசாய்த்து

அயர்ந்து தூங்கிவிட்டாள்

பிரிதொரு நாளில்

அங்கே ஓரிடத்தில் காத்திருந்தது

அவள் ஆழ்மனத்தின் அந்தநாள்

அவள்
மனதில் வரைந்த ஓவியங்கள்

அவளுடனான அவனின் காதலால்

உயிர்த்தெழுந்தது

அன்று

அவர்களின் திருமண நாள்
இறைவன் படைத்த இயற்கைகளை

அவளுக்கு பரிசாக அளித்தான்

தலைவன்

இரட்டிப்பு

இன்பத்தில் தத்தளித்தவள்

வாரி முத்தமிட்டாள்

தன் காதல் தலைவனை

மீத

நாழிகை தருணங்கள்

.........வார்த்தைகள் இல்லை

அவர்களின் சொர்க்கத்தில்

கட்டெறும்பாக எனக்கு விருப்பமில்லை

-செய்தாலி

மர்மத்தை அறுத்தெறி

2011-10-13T13:56:00.000+04:00

ஊரோரத்தின்

ஒதுக்கப்பட்ட குளக்கரையில்

நீர் குடித்து கிடக்குது

அங்கே

புதர்களில் புறப்படும்

புகையினில் கருகும் நாற்றம்

வீட்டின்

கதவு சன்னலை உடைத்துக்கொண்டு

தாயின் கதறல் சப்தம்

ஊர்கூடி

பார்க்கும் ஊடகத்தின் ஒளியில்

காட்சிப் பொருளாய் ஒர்நிழல்

நித்தம்

நாளிதழிலும் ஊடகத்திலும்

நெஞ்சைக் கீறும் செய்திகள்

குளக்கரையில்

நீர் ஊறி விறைத்த

அழுகிய உடல்

புதரில்

பாதி வெந்த நிலையில்

உருவம் சிதைந்த உடல்

வீட்டின்

அந்தரக் கயிற்றுச் சுருக்கில்

பிடைபிடைத்து மடிந்த உடல்

ஊடகத்தில்

ஊர்பயல்கள் தின்று கக்கிய

சக்கையாக உயிருள்ள சவம்

இங்கே

அழுகியும்

கருகியும்

சுருக்கிலும்

உயிர் சவமாயும்

மடிந்து கிடப்பதும் நிற்பதும்

பால்யம் தாண்டாத பெண்சிசுக்கள்

குழந்தைகள்

தெய்வத்திற்கு சமம் என்னும்

இந்த பாரத திருநாட்டில்

கற்ப்பு இழந்து மடிகிறது

குழந்தை தெய்வங்கள்

உயிர்குடித்த

அரக்க ஜந்துக்கள்

பயமின்றி சிறைவேலிக்குள்ளும்

சிலது மான்ய முகமூடியிட்டும்

உயிருடன் திரிகிறது

நீதிக்கு கண்ணில்லையோ

சட்டத்திற்கு ஆண்மையில்லையோ

வாழும் மனிதசவங்களுக்கு உணர்ச்சியில்லையோ

இறைவனுக்கும் கருணை இல்லையோ

பட்ட காயம் ஆறும்முன்

மீண்டும் மீண்டும் ஆயுதமிறக்கி

அறாப் புண்ணாய் ரணப்படுகிறது

சமூக நெஞ்சு

காம இச்சிக்குள்

சிதைந்து மடிந்த ஜீவன்களின்

ஆத்ம சாந்திக்காவது

சிதைதவனின் மர்மத்தை

அறுத்து வீதியில் எறியத்துனியட்டும்

நாளை சமூகம்

தாய் பசித்திருக்கிறாள்

2011-10-11T11:55:00.000+04:00

அழும் குழந்தை

வெட்டவெளியில் திறந்த மார்பை

முந்தானைக்குள் மூடி

பாலூட்டும் தாய்

தன்மடியில்

பால் வற்றும் தருவாயில்

கன்றிற்காக கறவக்காரனை விலக்கும்

தாய்ப் பசு

கண்தெரியாத குட்டியை

வாயில் கவ்வி எடுத்து

பால் மடியினை காட்டுகிறது

தாய்ப் பூனை

தன் வாயில்

எங்கிருந்தோ எடுத்துவந்த உணவை

குஞ்சுகளுக்கு ஊட்டியது

தாய்க் காகம்

கிளறிய குப்பையில்

உணவைக் கண்டவுடன்

தன் குஞ்சுகளை அழைத்தது

தாய்க் கோழி

தம்

குழந்தைகளின் பசியும்

தாயின் மனசும்

தாய்மையின் மாசற்ற உன்னதம்

வீட்டுக்கு

இந்தக் கிழம் வேண்டாம்

முதியோர் இல்லத்திற்கு துரத்தும்

நவநாகரீக பெண்மைகள்

தன்மக்களின்

வீடுகளுக்கு இடையே

ஒருநேர அன்னத்திற்க்காக

நெட்டோட்டம் ஓடும்

தாய்மார்கள்

கழுத்து வரை

தின்ற களைப்பில்

மனைவியுடன் வீட்டில் உறங்கும்

பிள்ளைகள்

தாய் அவள்

பசித்திருக்கையில்

உணவுண்ணும் பிள்ளைகள்

இறைவனால் சபிக்கப்பட்டவர்கள்

உறவும் உறவுகளும்

2011-10-09T14:10:00.000+04:00

தவழுகையில்

நம்மை கொஞ்சிக் குலவிய

முதிர்ந்த குழந்தைகளான

தாய்தந்தை

பால்யங்கள்

உதிரும் அந்நாட்களில்

மெல்ல மெல்ல விலகும்

நேற்றுவரை விளையாடிய

உடன்பிறப்புக்கள்

காளைப் பருவத்தில்

உபதேசங்களில் மட்டும்

உறவை வெளிப் படுத்தும்

உறவும் உறவுகளும்

சந்தோச

துக்க சடங்குகளில்

வெறும் கடமைகளுக்காக

உறவை பதியும் உறவுகள்

கால நாழிகையின்

இடைவெளிப் பருவங்களில்

உறவுகளில் உதிர்கிறது

உறவின் பிணைப்பு

காலத்தின் முதிச்சியில்

வெறும் அடையாளங்களில்

அகப்பட்டு பரிதாபமாய்

நேற்றைய உறவுகள்

கருவில்

ஒட்டப்பட்ட உறவை

தொப்புள்கொடி வெட்டி

உறவின் உறவைப் போதிக்கிறான்

இறைவன்

வாழும்வரை

பாசமும் நேசமும்

தத்தம் சூழல்களுக்கு ஏற்ப

நிறங்களை மாற்றிக்கொள்கிறது

தம் சுயத்தில்

துளியும் நிறம்பூசாமல்

உறவுக் கொடியில் உறவுகளை தளிர்க்கிறது

உறவு

வீதிக்கு வந்த இறைவன்

2011-10-06T10:30:00.000+04:00

ஓர்நாள்

மனிதர்களைக் காண

மண்ணுலகம் விரைந்தான்

இறைவன்

அவசர அவசரமாய்

ஓடும் மனிதர்களுக்கு இடியில்

மெல்ல நடந்தான்

இறைவன்

வீதியின் ஓரங்களில்

கொட்டிக்கிடந்த சந்தோசங்கள்

இறைவனை நோக்கி

புன்னகைத்தது

வீதி நெடுக

குவிந்துகிடந்த துக்கங்கள்

இறைவனை நோக்கி

கண்ணீர் சிந்தியது

வீதியில் அங்காங்கே

படிந்துகிடந்த ரத்தக் கறைகள்

ஏளனமாய் பார்த்தது

இறைவனை

நஞ்சும்

காழ்ப்பும்

வஞ்சமும்

குரோதமும்

வீதியில் பின்னிப்பிசைந்து

அகம் கொட்டிய குப்பைகள்

அன்பும்

கருணையும்

நன்மையையும்

சில மனங்களில் மட்டும்

இரவலாய்

தேங்கி நிற்கும் கண்ணீர்

படிந்து கிடக்கும் ரத்தம்

வீதியெங்கும் கொச்சை வாசம்

மூக்கை பொத்தியபடி இறைவன்

மெல்லிய அழுகைகள்

தெறிக்கும் அலறல்கள்

மௌனமான சபித்தல்கள்

வீதியில் உலவும் சப்தங்கள்

சில நாழிகை பயணத்திலே

திக்குத்திணறி சுவாசமுட்டி

நிலைகுலைந்து ஓடினான்

வீதிக்கு வந்த இறைவன்

சப்தங்கள்

2011-10-03T09:35:00.000+04:00

கதிரவன்

கீழ்விழுந்து உடைய

மண்ணில் சிதறிப் படிந்தது

கொட்டிய இருள்

ஜீவராசிகள்

சில நாழிகை தருணத்தில்

பரந்த இருட்டறையில் நுகர்கிறது

மரண வாசத்தை

இருளினில்

விழிப்பை தொலைத்த உருவங்கள்

சிறுகலாய் இறந்துகொண்டிருந்தது

அந்த நகரவீதி

நிசப்தங்களை

உடைத்துக் கொண்டு

இரவின் காதுகளை அடைத்தது

எங்கிருந்தோ வந்த சப்தங்கள்

பிரியும்

திசையெங்கும் பரவியது

பல நிறம் கொண்ட

முனங்கல் சப்தங்கள்

பறவைகள்

விலங்கினங்கள்

மனிதர்கள்

இரவில் அவிழ்க்கும் சப்தங்கள்

இரவினில்

விளிக்கும் சில ஜீவராசிகள்

தட்டி உணர்த்துகிறார்கள்

தூங்கும் சப்தங்களை

செவிகளில்

வந்துவிழும் சப்தங்கள்

விழிப்பின் காரணத்தை

சொல்லிச் செல்கிறது

இருளை மூடி

இடைவெளி மரணங்களில்

மரணத்தை போதிக்கிறான்

இறைவன்

சப்தங்கள்

இடைவெளி மரணத்தை

சலனம் செய்கிறது

மனதை ஆளும் துக்கம்

2011-09-29T12:09:00.000+04:00

வாழ்வியலில்

நீளும் புன்னகைகள்

இடைவெளிகளில்

வந்துபோகும் துக்கங்கள்

அகம்

சிந்தும் புன்னகையில்

உதிர்ந்து விழுகிறது

நோயும் ,துக்கமும்

புன்னகை

அகத்தை குளிரூட்டி

இதழ்கள் வழியே

காற்றில் கரைகிறது

சோகங்களில்

விழிகள் கண்ணீர்

உதிர்த்த பின்னும்

அகத்தில் தேங்குகிறது

துக்கக் கறைகள்

சிந்தை

அவ்வப்போது எழுப்புகிறது

அகத்தை கீறிய

துக்கங்களை மட்டும்

புன்னகைத்த

இனிய நாழிகைகளை

தூக்கில் ஏற்றுகிறது

துக்கங்கள்

வாழ்நாளின்

புன்னகை நாழிகைகள்

நாதியற்று நிற்கிறது

வாழும் மனிதர்களில்

கருணை தர்மங்கள்

2011-09-26T09:26:00.000+04:00

தீரா நோய்களின் தொற்றல்

செயல் இழந்த உடலுமாய்

கட்டில் படுக்கையில் தந்தை

அன்னம் உண்ணா தாய்

பால் வற்றிய மார்பு

பசியில் அழும் தம்பி

அம்மா பிச்சை போடுங்கள்

வீதியில் அன்னப்பாத்திரம் ஏந்தி

பசியில் துவளும் சிறுவன்

உயிர்போர்த்திய நான்கு ஜீவன்கள்

பழைய கந்தல் துணியாய்

வாழ்க்கை வீதியில் விலக்கப்பட்டு

இது வறுமைக் காகிதத்தில்

இறைவனின் கைவண்ணத்தில்

எழுதப்பட்ட துக்கக் கவிதை

விழிகளால் வாசித்த மனிதர்கள்

அகம் இளகி விதைத்தனர்

பயனற்ற வெறும் அனுதாபங்களை

ஆலயம் கோவில் மசூதி

காணாத தெய்வ சன்னதிகளில்

நிரம்பி வழிகிறது காணிக்கைகள்

சிறு கருணையை எதிர்நோக்கி

வறுமைக் கோட்டின் கீழ்

எத்தனை எத்தனை மனிதர்கள்

உண்டியல் நிறைய காணிக்கைகள்

உண்ண உணவின்றி பக்தகோடிகள்

சன்னதிகளில் மௌனமாய் கடவுள்கள்

அனுதாபங்கள் பசியை மாய்ப்பதில்லை

கருணையில் உதிரும் தர்மங்கள்

எளியவர்களின் உயிர் காக்குகிறது

இடைவெளி உதிர்வுகள்

2011-09-22T15:34:00.001+04:00

கருவில் சிதையும் சிசு

வாலிபம் கடக்காத இளங்காளை

முதுமையில் உதிரும் மனிதன்

உருவத்தையும் தாய்முகத்தையும்

இருட்டில் தொலைக்கும் சிசுக்கள்

எதிர் நோக்கா ஒர்நாழிகையில்

இளமையில் வாழ்நாளை உதிர்ப்பவர்கள்

நெடுந்தூர வாழ்க்கை பாதையில்

முதுமையால் உதிரும் உயிர்கள்

துரதிஷ்டமா இல்லை

எழுதப்பட்ட விதியா

வாழ்வியல் நம்பிக்கைகள் உடைக்கும்

இடைவெளி மரணங்கள்

மனிதர்களை நேசிப்பதாக சொல்லும்

பரம்பொருளை நோக்கி ஒர்வினா

நூறாண்டு வாழ்ந்து மடிந்தவனும்

வாழ்வியலின் முழுமையை ருசிபதில்லையாம்

பிறகு ஏனோ

வயது எல்லைக் கோட்பாடுக்குள்

இந்த மனித வாழ்க்கை

ஐம்பதின் கட்டில் ஏக்கங்கள்

2011-09-18T17:21:00.001+04:00

மணமாலை சூடலுக்குப் பின்
மங்கள கரமாக அரங்கேறுகிறது
கடமையான கட்டில் சடங்குகள்

உறவுகள் தாம்பத்யம் உணரும்முன்
நடுவீட்டில் அவிழ்க்கப் படுகிறது
சில தொட்டில் கயிறுகள்

மூன்றாம் வயிற்றுக்கான ஓட்டம்
தொடரும் நெட்டோட்ட முடிவில்
உதிர்கிறது நல்ல பருவங்கள்

காலச் சக்கரத்தில் விழுந்து
செல்லரித்துச் சிதைந்து விடுகிறது
அந்த நாட்களின் நிகழ்வுகள்

தலை தூக்கும் வாரிசுகள்
உறவுக் கடமைகள் குறைந்து
சற்று இளைப்பாறும் தருணங்கள்

பழுத்து நரைத்த பருவம்
தனிமைகளில் எட்டிப் பார்க்கிறது
அகத்தில் புதைந்த ஆசைகள்

பருவம் மறந்த ஆசைகள்
ஒத்துழைக்க மறுக்கும் உடல்
காலம் போர்த்திய நோய்கள்

ஒவ்வொரு இரவுக்கும் காரணங்கள்
உறவுகளில் விழும் இடைவெளிகள்
காலங்கடக்கும் கட்டில் பந்தம்

இருளை இம்சை செய்யும்
வெட்டங்களை அணைத்த பின்னும்
அணையாமல் கட்டில் ஏக்கம்

அகத்தில் சுவாசமுட்டும் ஆசைகள்
நாளத்தில் ஸ்தம்பிக்கும் குருதி
மௌனமாகிறது துடிக்கும் இதயங்கள்

உறவில் கிட்டா உறவுத் தேடல்
நடுவீதிகளில் நாணம் கெட்டு
எங்கோ வேலிதாண்டும் ஆசைகள்

உறவு விலக்கப் படுகையில்
வாழ்நாளின் ஆயுள் குறைகிறது
நவ மருத்துவ குறிப்புக்கள்

உறவில் உறவை நீட்டுங்கள்
உடலில் நோயை துரத்துங்கள்
ஐம்பதில் இளமையை சுவையுங்கள்

அந்த ஊர் வீதி

2011-09-15T16:58:00.000+04:00

சொல்லாமல் சென்ற கதிரவன்

நீலமேகத்திற்குமுகம் சிவக்க

மெல்லிய புன்னகையிட்டு நிலவு

தன் மடியில் இருப்பவர்களுக்கு

மெல்ல கிளைகளால் விசிறியது

வீதியின் முச்சந்திலுள்ள மரம்

மரியாதை நிமித்தமாய் நின்றபடி

விடுதியில் தேனீர் அருந்துகிறார்கள்

நாற்காலியில் இடம் கிடைக்காதவர்கள்

சற்றுநேரமுன் நடந்த வீதியில்

தரையினை உற்றுப் பார்த்தபடி

வீதியில் பணத்தை தொலைத்தவன்

வீதியின் ஆரம்பப் பகுதியில்

சற்றென்று சுதாரித்து கொண்டார்கள்

இடைவெளியில் பேசிவந்த காதல்ஜோடி

வாசலில் வழியனுப்பும் உறவுகள்

திருபி பார்த்தபடி செல்கிறார்கள்

வெளியூருக்கு பயணம் புறப்பட்டவர்கள்

வழிப்போக்கர்களை வழி மறித்து

அடையாள முகவரி கேட்கிறான்

அவ்வீதிக்கு புதிதாய் வந்தொருவன்

எதிரெதிர் வீட்டு மாடிகளில்

சைகையால் பேசிக் கொண்டனர்

உலர்ந்ததுணியை எடுக்கவந்த பெண்கள்

மும்மரமாக எதைப் பற்றியோ

வாயிச் சண்டை இடுகிறார்கள

வாசலில் சில அண்டைவாசிகள்

எங்கிருந்தோ வந்த அழைப்பு

விடாது அழுதது அலைபேசி

ஆள் இல்லாத வீடு

அன்னப் பாத்திரமேந்தி

வீடுகள் தோறும் ஏறியிறங்கும்

மாலைநேர வாடிக்கைப் பிச்சைக்காரன்

வீதியில் விளையாடும் குழந்தைகள்

அரட்டை அடிக்கும் காளையர்கள்

வேடிக்கை பார்க்கும் பெருசுகள்

ஆயிரம் காரண காரியங்கள்

அங்குமிங்குமாய் உலவும் மனிதர்கள்

வேடிக்கைபார்த்தபடி மௌனமாய் வீதி

அழகும் அசிங்கமும்

2011-09-11T17:36:00.000+04:00

தலைவன் ரசிக்கும் அழகை

ஆடையின் அளவு குறைத்து

காட்சியாக வீதி விழிகளுக்கு

தலைக்கு நீராடும் வேளைகளில்

கூரையில் காகத்தை துரத்தி

அங்கம்மறைக்கும் நாணம் அழகு

பெய்யும் சிறு மழையினில்

கதிரவனின் இளம் சூட்டிலின்

கலைந்தொழுகும் இரவல் சாயங்கள்

விடாது கொட்டும் அடைமழையிலும்

தொப்பலாய் நனைந்தும் கலைவதில்லை

கமழும் மண்வாசனை அழகு

நகரத்தின் உடுப்பின் வநாகரிகம்

வீதிவெளியில் எட்டிப் பார்க்கிறது

பெண்மையின் மார்பகக் கண்கள்

போர்த்தும் மேலாடை அழகிற்கு
ஆயிரம் கவி தளிரிடுகிறது

கவிஞர்களின் சிந்தை கருவறையில்

நித்தம் உடுத்தும் ஆடையாய்

நவநாகரீகத்தின் பந்த உறவுகள்

கழிப்பறையாகும் வெட்கத் தலங்கள்

உள்ளம் கவர்ந்த கள்வனுக்கும்

கொடிவேலிக்கு பிறகே முந்தி

கோடுகளில் பந்த உறவுமுறை

அச்சம் மடம் நாணம் பயிர்ப்பு

பெண்மையின் தூய்மை அழகுக்கு

இறைவன் போர்த்திய ஆடைகள்

வெளியழகு எண்ணங்களின் உருவம்

வீதிகளில் ஒளிரும் அழகுகள்

அழுக்கு மனதின் அசிங்கங்கள்

-செய்தாலி

அவளின் அந்த நாட்கள்

2011-09-08T12:17:00.003+04:00

இன்று உறவுக்கு தீட்டாம்

அவளின் வீடுதேடி வந்தவர்கள்

திரும்பினார்கள் வாசப்ப்படியிலேயே

வாடிக்கையாளர்களின் அழைப்பு

வருடல் இன்றி அழுதது

மேசையில் துடிக்கும் கைபேசி

வலியில் துவளும் நொடியில்

விழிசிந்திய நீர்த் துளியில்

இடையே ஆனந்தத் துளிகள்

உடைபட்டு சிதறிய குருதியில்

வாழ விருப்பமற்று வெளியேறியது

தலையெழுத்து தெரியாத கரு

சீண்டல் சலனங்கள் இன்றி

ஆழ்ந்த நித்திரைகொண்டாள்

அவளின் அந்த நாட்களில்

-செய்தாலி

புகழ் தேடும் நவதலமுறை

2011-09-06T10:24:00.001+04:00

உயரும் ஊடக மேடைகளில்

இலவசங்கள் இலவச விற்பனை

நவ வியாபரத் தந்திரம்

தம் வாரிசுகளின் உருவங்கள்

ஊடக திரையில் ஒளிரவேண்டும்

நகரவீதியில் முண்டியடிக்கும் ஈன்றவர்கள்

பக்குமற்ற பிஞ்சு மனங்களில்

வஞ்சமாக அடித்து அமர்த்தப்படும்

புகழுக்கான நவநாகரீக கலைகள்

மேடையில் அறைநிர்வனமாய் பிள்ளை

நாணம் மானம் முற்றும்துறந்து

ஊடகத்தில் பல்லிளிக்கும் ஈன்றவர்கள்

கற்றபவர்களும் கற்றறிந்தவர்களும்

புகழுக்கான விடா நெட்டோட்டம்

வியர்வை சிந்த விருப்பமற்றவர்கள்

நவநாகரிக வாழ்க்கை வீதியில்

கண்கட்டி மனிதர்களின் பயணம்

வாசலை திறந்துவைத்து பாதாளம்

எட்டாக் கனியின் ஆசைகள்

எங்கோ மறைவுகளில் சீரழிகிறது

அதை தேடியவர்களின் வாழ்க்கை

உடலின் வக்கிரங்களை ரசிபவர்கள்

அதீத பணத்தாசை உள்ளவர்கள்

இவர்களுக்கு கூடாரமாய் கலை

நஞ்சாய் படரும் புகழாசை

அணியாய் திரளும் குடும்பங்கள்

தொலையும் பச்சை மனிதர்கள்

உலக அரங்கக் கலைகளில்

மகுடம் சூட இயலாமல்

கோடி மக்களை பெற்றதாய்

கலைகள் கற்பது தவறில்லை
திறனை எழுப்புவது சிறந்ததே
சுயத்தை கொல்வது சரியோ ....?

ஒரு தேசம் உயிர்த்தெழ
அறிஞர்களும் வீரர்களுமே தேவை
வெறுமொரு கூத்தாடியல்ல

-செய்தாலி

உறவு முறித்த உறவு

2011-08-29T13:16:00.001+04:00

நாளத்தில் ஓடிய குருதியினை

ஒருகணம் நிற்கச் செய்தது

அலைபேசியில் வந்த சேதி

செவியினை நிரப்பிய சேதி

அகத்தினில் இடியும் மின்னலும்

விழிகளில் சொட்டியது கண்ணீர்

சுவாசநாளத்தில் மூச்சு ஸ்தம்பிக்க

நிலை தடுமாறிய தருணம்

உடைந்தது வலிமையிழந்து உடல்

அகம் தெகுட்டும் ஒவ்வாமை

மண்ணில் விழுந்த அமிலம்போல்

வேதனையை கக்கியது மனம்

அகத்தில் எரியும் அனலில்

உணர்வும் உணர்ச்சியும் உதிர்ந்து

உயிர்தாங்கிய சவமாய் உடல்

ஊர் உறவுகளின் ஏளனம்

கீறும் சொல் ஆயுதங்கள்

உயிர் உருஞ்சும் நகைப்புக்கள்

தெளிவற்று கலங்கிய மதியில்

அவ்வோப்போது தெளிந்து ஓடியது

ஒரு சுருக்கினில் சுயமரணம்

மண பந்த உறவறுத்து

படிதாண்டிய கட்டில் உறவு

வீதியில் தொட்டில் உறவு

அக்கரை வாழ்கையில் அவன்

இக்கரை தனிமைகளில் அவள்

அத்திப் பூவாய் கட்டில்பந்தம்

திரவியம் தேடுதலின் வழியில்

சலவைத் தாளின் போதையில்

வாழ்கைவீதில் தொலைத்தான் உறவை

வேனல் துளிகள்

2011-08-21T12:16:00.000+04:00

உறக்கம் கலைத்தான் கதிரவன்

இரவு விழித்த களைப்பில்

உறங்கச் சென்றது நிலவு

மெல்ல விழிதிறந்தான் கதிரவன்

இளஞ் சூட்டிற்கு இரையானது

புற்களில் உறங்கிய பனித்துளிகள்

இளஞ்சூடு தட்டி எழுப்ப

உறக்க சோம்பலை களைந்து

விருட்டெழுந்தது மரமும் செடிகளும்

கொக்கரகோ கொக்கரக்கோ ....

கதிரவன் எழுந்து வருகிறான்

ஊரை எழுப்பியது சேவல்கோழி

குஞ்சுகளின் அன்றைய உணவிற்காக

கூட்டிலிருந்து இறகை விரித்து

புறப்பட்டது தாய்ப் பறவைகள்

உறங்கும் வீட்டை உணர்த்துகிறது

சன்னல் கதவு இடுக்குகளில்

ஊடுருவி நுழைந்த வெளிச்சம்

நல்லா விடிந்து விட்டது

எண்ண உறக்கம் வேண்டியிருக்கு

பிள்ளைகளை எழுப்பும் அம்மா

காலையிலேயே சுளீர்ன்னு வெயில்

எங்கோ பயணம் போவதற்காக

வீட்டில் இருந்து புறப்படுபவர்

ஈரத்தை களவு கொடுத்து

கொடியில் புன்னகை செய்கிறது

உலர்ந்த உடுதுணிகள்

மார்பில் கொதிக்கும் அனல்

கதிரவன் மேல் கோபம்

வெற்றுப்பாதங்களை சுட்டது மணல்வீதி

நீண்ட தார் சாலையில்

அங்காங்கே தேங்கி நிற்கிற்கும்

கானல் நீர்த் துளிகள்

வறண்டு தொண்டயுமாய்

தண்ணீரின் அடையாளம் தேடி

வீதியில் துவளும் பாதகாணிகள்

இங்கே வந்து அமருங்கள்

மடியில் நிழலை விரித்து

வழிபோக்கர்களை அழைக்கும் மரங்கள்

உழைக்காத மனிதர்களுக்கும்

உடலில் இருந்து உதிர்கிறது

வியர்வைத் துளிகள்

கருணை அற்ற கதிரவன்

மார்பு வெடித்து பரிதபமாய்

நீர் வற்றிய குளம்

சிதறிவிழும் அனல் வேட்கை

நட்டு நடு உச்சியில்

பூமியை முறைத்தபடி கதிரவன்

முனங்கல் மந்திரம்

2011-08-14T13:18:00.003+04:00

நிசப்தங்களை கிழித்துக் கொண்டு

இருளின் காதை அடைக்கிறது

அந்த முனங்கல் சத்தம்

விசை அசைவுப் புணர்வில்

தத்தம் உணர்ச்சிகளை கொட்டும்

ஆயத்தத்தில் இரு பாலினங்கள்

முனங்கலில் வழியும் போதை

சுயத்தை நனைத்து நீத்திட

விசைவில் நகரும் பொம்மையாய் மதி

நாளத்தில் ஊருடுவி கலந்தது

சலனங்களற்ற நிசப்த இரவில்

காதில் ஓதப்பட்ட மந்திரம்

தொப்புள்கொடி உறவை வேர்பிரித்து

வேதனையின்றி மெருதுவாய் கீறுகிறது

குழைந்த மெல்லிய குரலொலி

நொடிகளின் ஆயுள் நிகழ்வு

உறவு பேரம்பேசும் கீழ்பாலினம்

வாக்குறுதி அடியரையில் மேல்பாலினம்

உறவு உயிர் ஓடிய

வெட்டப்பட்ட தொப்புள் கொடியில்

பதியப்பட்டது முதல் விரிசல்

அவன் தேடாத காதல்

2011-08-07T14:17:00.003+04:00

அவர்கள் காதல் செய்கிறார்கள்

எனக்கும் வேண்டும் ஒருகாதல்

மீசைதளிர்ந்த விடலைப் பருவம்

சீவி சிங்கார அலங்கரித்து

ஒரு கூத்தாடிக் கோமாளியாய்

பெண்கள் திரியும் வீதியில்

நித்தம் அரங்கேறிய வீதிநாடகத்தில்

கடந்துசென்ற பெண்மை கூட்டத்தில்

சல்லடையிட்டு அறித்தான் அழகை

மேனியில் வெள்ளைத்தோல் பொதிந்து

அழகிய வடிவுடைய பெண்மைகள்

விழிகள் தேடிய காதலிகள்

ஓரப்பார்வை விதைக்காத பெண்மைகள்

வீதியில் கவனிப்பாரற்று நிற்கிறான்

வடிவும் அழகும் தேடியவன்

காலம் கடந்த தேடல்கள்

இதுவரை கிடைக்காத காதலி

சலிப்பில் துவண்டான் அவன்

உள்ளத்தை தேட மறந்தவன்

விலக்கப்பட்ட உணர்வாய் காதல்

காலம் உணர்த்திய போதனை

பறந்து விரிந்த இத்தரணியில்

நிறைய மனிதர்களிடம் காதல்கள்

அகத்தில் வேதனையுமாய் இவன்

என்றோ ஒரு தருணத்தில்

அவன் அகத்திலிருந்து தொலைந்தது

நேற்றுவரை தேடிய காதல்

அவனை விரும்பும் ஓரிதயம்

புற அழகிலும் வடிவிலும் குன்றி

அகத்தில் அழகுடன் அவ்வீதியில்

அவனைசுற்றி காதல் இருந்தும்

வழிமாறிய காதல் தேடலால்

இன்னும் வந்துச் சேரவில்லை

அவன் தேடாத காதல்

இது நவ உலகம்

2011-08-01T11:50:00.003+04:00

வீட்டிலிருந்து துரத்தப்படும் ஈன்றவர்கள்

நித்தம் அறுந்துவிழும் மணபந்தங்கள்

குடுப்ம உறவில்துலையும் புனிதங்கள்

மூடும் முலையும் திறந்திட்டு

ஆடை பஞ்சங்களில் பெண்மைகள்

வீதியில் திரியும் அநாகரிகம்

விற்பனைப் பொருளாய் கருவறைகள்

வீதிக்கு வெளியில் விபச்சாரம்

உறவுகளில் களவுசெய்யும் உறவுகள்

வலியவர்களின் கோரமான ஆதிக்கம்

எளியவர்களின் முகத்திலும் அகத்திலும்

துலைந்து விட்டது புன்னகை

தானம் மறந்துபோன கரங்கள்

கருணை தொலைந்துபோன மனங்கள்

நஞ்சை கக்கும் பொய்கள்

நானே இவ்வுலகின் இறைவன்

கடவுளின் அவதராமாய் ஈனமனிதர்கள்

மனிதனை துதிக்கும் மடையர்கூட்டங்கள்

பணத்தை வஞ்சனை கொண்டும்

பதவியை பணம் கொண்டும்

அற்ப உழைப்பில் நேடுபவர்கள்

நாசங்களுக்கு வித்து விதைக்கும்

ஈன நெரிகட்ட வஞ்சகர்கள்

மனித புகழ்ச்சியின் உச்சத்தில்

தகுதியற்ற கேடுகேட்டவர்களிடம்

நாடாளும் நன் பதவிகள்

பல்லாக்கு தூக்கும் மதியற்றவர்கள்

பச்சிளம் சிசுக்களிலும் காமம்

தன்பயிரை மேயும் வேலிகள்

நித்தம் களவாடப்படும் கற்பு

உடலில் உதிர்க்கப்படும் உயிர்கள்

மாற்றான் உழைப்பைக் களவாடல்

வாக்குறுதிகளில் வஞ்சனை செய்தல்

பச்சை குருதியின் கொச்சைவாசம்

உப்பாய் உறையும் கண்ணீர்கள்

கதறலும் ஏளனமும் சாபக்குரலும்

சாத்தானின் கூடாரமாகிய மண்ணுகலம்
மதியும் நெறியுமற்ற ஈனமனிதர்கள்
வாநோளம் குவியும் பாவங்கள்

நண்மை மனிதர்களின் நிழலில்

வாழுகிறார்கள் நயவஞ்ச மனிதர்கள்

இரண்டையும் சுமந்து சுழல்கிறது

பாவ அனலில் எரியும்பூமி

முத்தான மூன்று முடிச்சுக்கள்

2011-07-26T15:05:00.006+04:00

கலை அண்ணன் மற்றும் தோழி மஞ்சு அவர்களின் அழைப்பிற்கு இணைக

என் இதோ எண்ணங்களின் உணர்வுகளின் முடிச்சுக்கள்

பிடித்த உறவுகள்

1 .அம்மா

2 .என்னவள்
3 . நன்மை மனிதர்கள்

பிடித்த உணர்வுகள்

1 . தாய் பாசம்

2 . மனையாளியின் காதல்

3 .தனிமை

பிடிக்காத உணர்வுகள்

1 . கோபம்

2 . துரோகம்

3 . புறம்

முணுமுணுக்கும் பாடல்கள்

1 . கடவுள் தந்த அழகிய வாழ்க்கை

2 . விளக்கு ஓன்று அணைந்துவிட்டால்

3 . பாரதியின் பாடல்கள்

பிடித்த திரைப்படங்கள்

1 . ஊருக்கு நீதிசொல்லும் திரைச்சித்திரங்கள்

2 . நிதர்சன வாழ்க்கைச் சித்திரங்கள்

3 . மேண்மை சிந்தனையுள்ள சித்திரங்கள்

அன்புத் தேவைகள்

1 . என்னவளின் அரவணைப்பு

2 . தலையணையாய் என்னவளின் மடி

3 . உறவுகளின் சிறு புன்னகை

வலிமையை அழிப்பவை

1 .அகத்தினில் சுயத்தினை அடிமைப்படுத்தல்

2 . துன்பத்தில் சோகத்தை வாழவிடுதல்

3 .விழித்தும் முறிபடாத சோம்பல்

குட்டித் தத்துவம்

1 .உன்னைவிரும்பு உனக்கு நீ நேர்மையாக இரு

2 .அவரவர் கர்மங்களில் இருக்கிறது நன்மை தீமைகள்

3 .இறைவன் ,குடும்பம் ,உறவுகள் சமூகம் கடமைகளை செய்

பயமுறுத்தும் பயங்கள்

1 .இழைத்த பிழைகளின் மறு உருவம்

2 . காலம் கடந்தபின்னும் முன் உயரும் வாக்குறுதிகள்

3 .அநீதி இழைக்கப்பட்டவனின் சாபக் குரல்

அடைய விரும்பும் நிலையான விருப்பம்

1 .மரணத்திற்கு முன் கடமைகளை முடித்திருக்க வேண்டும்

2 .எல்லா வல்ல இறைவனின் நேர்வழியில் இருக்கவேண்டும்

3 .தீமைகள் கீழிறங்கி நண்மைகள் உயர்ந்து சொர்க்கவாசியாக வேண்டும்

கற்க விரும்புவது

1 . .என் வாழ்க்கை சார்ந்த மனிதர்களின் மனங்களை

2 . புவி வாழ்கையின் உன்னதை இரகசியத்தை

3 .இம்மை மறுமை வாழ்க்கைக்கு தேவையான உலக நன்மை தீமைகளை

வெற்றி பெற வேண்டியவை

1 . நீதிக்கு போராடும் உண்மைகள்

2 .நன்மை மனிதர்களின் நற்கர்ம முயற்ச்சிகள்

3 .உறவுக்காகவும் ஊருக்காகவும் எதிராளியுடனான போராட்டம்

சோர்வு நீக்க தேவையானவை

1 . ஓடுதல் மற்றும் நீண்ட நடைபயணம்

2 . அளவில் குறையாத இரவு உறக்கம்

3 .நகைச்சுவை உணர்வு மற்றும் நல்ல எண்ணங்கள்

எப்போதும் தயாராக இருக்க வேண்டியது

1 .உதவும் நல்ல மனப்பான்மை

2 .பேதமின்றி மனிதர்களிடத்தில் புன்னகை விதைத்தல்

3 .அவசரங்களின் மன,குண நிறங்கள் பார்க்காமல் மனம்

முன்னேற்றத்திற்கு தேவை

1 .சுய நம்பிக்கை

2 . சுய தன்னடக்கம்

3 .இடைவிடாத நல்ல முயற்சி

எப்போதும் அவசியாமானது

1. இறைவனின் அன்பு

2.நம்பிக்கை எண்ணங்க்ள

3.சுய மற்றும் நன்மை உறவுகளின் பிராத்தனை

பிடித்த தத்துவம்

1.பேசும்முன் கேளுங்கள்,

.எழுதும்முன் யோசியுங்கள்,

செலவழிக்கும்முன் சம்பாதியுங்கள்

2.ஆயிரம் முறை சிந்தியுங்கள்.

ஒருமுறை முடிவெடுங்கள்

3.யார் சொல்வது சரி என்பதல்,

எது சரி என்பதே முக்கியம்

தெரிந்தும் தெரியாது குழம்புவது

1.உயிரின் இறையியல் தத்துவம்

2.இந்த உலகிற்கான மனிதயியல் தத்துவம்

3.சுய சரி மற்றும் பிழைகள்

எரிச்சல் படுத்துபவர்கள்

1. உண்ணுதலில் இடையூறு செய்வது

2. ஆழ்ந்த உறக்கத்தில் இடையூறு செய்வது

3.செயம் பணியும் இடையூறு செய்வது

மனங்கவர்ந்த பாடகர்கள்

1. கே .ஜே ..யேசுதாஸ்

2.எஸ் .ஜானகி அம்மாள்

3.பி .சுசிலா அம்மாள்

இனிமையானவைகள்

1.ஜீவனுள்ள கவிதைகளை வாசித்து இரசிப்பது

2.மனகவர்ந்த விஷயங்களை கிறுக்குவது

3.நல்ல மெல்லிசைகளை கேட்பது

சாதித்தவர்களின் பிரச்சனைகள்

1.நான் இதுவரை சாதிக்க வில்லை

2.சாதித்தவர்கள் யாரும் எனக்கு பழக்கமில்லை

3.ஆதலால் அவர்களின் பிரச்சனைகள் தெரியவில்லை

பிடித்த பழமொழிகள்

1.உழைப்பே உயர்வு தரும்

2.பொன்னகை விடச் சிறந்தது புன்னகை

3.விதைப்பதியே அறுவடை செய்வாய்

பதிவிட அழைக்கும் மூவர்

அப்துல்லா சார் http://abdullasir.blogspot.com/

அரசன் http://karaiseraaalai.blogspot.com/2011/07/blog-post_20.html

ஹாசிம் http://hafehaseem00.blogspot.com/

கருவறை இரகசியம்

2011-07-20T15:40:00.000+04:00

இயற்கை வழித் தடங்களில்

அவர்கள் இருவரின் கூடல்

சேனைகளை இழந்த ராஜனு

அணுவைப் பிளந்து ஊருடுவல்

ஈரணு ஓரனுவான பிணைப்பில்

உயிரை நுழைக்கும் இறைவன்

தளிரும் மாமிச சதைகளில்

வரையப்படும் உருவ ஓவியம்

இறைவனின் கட்டளைக்கு இணைங்கி

இறையடிமையின் கருவறை விஜயம்

மொழியின்றி மஷியற்ற எழுத்துக்களால்

எழுதப்படும் வாழ்வியல் குறிப்பு

உயிர் தளிரும் சதைப்பிண்டம்

இவ்வறையின் நிர்ணைய காலளவு

சுற்றி சூழ்த்திருக்கும் நச்சுநீர்

உடல் உயிருக்கும்மான கவசம்

நீள்கொடியில் சுரக்கும் உதிரம்

தளிரும் ஜீவனுக்கு உணவுப்படி

திறக்கப்படாமல் மூடப்பட்டு

விழியும் இதழும் சுவாசனாளமும்

இருள் கருவறை உலகினில்

தலைகீழ் வாழ்க்கை தருணங்கள்

கால நாழிகையின் முதிர்ச்சி

கருவறை புறம்தள்ளும் உடல்

உயிர் கொடி வெட்டப்படுதல்

பிரியும் இரண்டு உறவுகள்

நாளம் நுகரும் காற்று

கூசும் ஒளியினில் பார்வை

அண்டங்களின் வேட்கை உணர்தல்

நோவினில் புறப்படும் முதலழுகை

ஜீவராசிகள் வாழும் இவ்வுலத்தில்

உயிர் மடியும்வரை ஓர்பயணம்

இவர்கள் பொய்யர்கள்

2011-07-19T11:30:00.000+04:00

அண்டம் ஆளும் கடவுள்

பெயர்களில் தொடரும் தற்கங்கள்

இறையியல் அறிவு அற்றவர்கள்

தரணியில் மிகச் சிறந்தவள்

எழுகிறது ஏதோவொரு பெயர்

ஈன்ற தாயின் உன்னதமரியாதவர்கள்

அவள்தான் கற்பில் தூயவள்

துளியும் வெட்கமின்றி தலைவன்

தலைவியின் கற்பில் நம்பிக்கையற்றவர்கள்

அவர்களின் வழியில் நாங்கள்

சுய குருநாதர் சுட்டிக்காட்டல்

கற்றுத்தந்த மாதபிதாக்களை மறந்தவர்கள்

தலைவன் நண்பன் பகைவன்

பிற அடையாளங்கள் தேடல்

தன்சுயம் அறிய முயலாதவர்கள்

தன்னை அறியாத அவர்களை

அகத்தில் உயர்த்தும் மனிதர்கள்

புறந்தள்ளப்படும் சுயமறிந்த உறவுகள்

வாழ்க்கை சார்ந்த வினாக்கள்

விடைகளில் தடுமாறும் மனிதர்கள்

புகழ்ச்சிக்குள் சுயத்தை ஒளிப்பவர்கள்

உயிர் எரியும் வீதிகள்

2011-07-14T15:14:00.001+04:00

கதிரவன் சாயும் மாலை

நித்த தேவைகளை தேடி

வீதியில் நிரம்பும் மனிதர்கள்

நகர இரைச்சலுக்கு இடையே

காதை நிரப்பிக் கிழித்தது

எங்கிருந்தோ வந்த ஓசை

ஓசையின் சலனத்தில் திடுக்கிட்டு

சோம்பல் முறித்து விருட்டெழுந்து

சுதாரித்துக் கொண்டது தூங்காநகரம்

மடை திறந்த வெள்ளமாய்

சிதறி ஓடும் மனிதக்கூட்டம்

பிறகே துரத்தும் நெருப்பு

உடலில் ஒழுகும் குருதி

பச்சையாய் எரியும் மனிதர்கள்

உயிர்களின் அலறல் சத்தங்கள் `

உடைபட்ட பெரும் ஓசை

சிதறிய மனித உடல்கள்

பிரிந்து சென்றது உயிர்கள்

சிலதொரு நொடிப்ப பொழுதில்

உயிரும் பொருளும் சிதைந்து

நெருப்பில் சுருண்டது அவ்வீதி

நான்கு திசை மனிதர்கள்

பேதங்களை உடைத்து எறிந்து

நீட்டினார்கள் உதவிக் கரம்

சிதறிய உடல் உறுப்புக்களும்

உறைந்த பச்சைக் குருதியும்

நாழிகையின் முடிவினில் மீதமாய்

கூடியது ஊடகக் கூட்டங்கள்

பரவியது உறங்கும் செய்தி

கண்ணீர் வடித்தனர் உறவுகள்

சதியின் வேரை கண்டறிவோம்

ஆறுதல் வார்த்தைகளை விதைத்தபடி

காவல்கார உன்னத மேதாவி

இதுவொரு பெரும் கொடுமை

அண்டை தேசத் தலைவர்கள்

நாட்டின் அரசியல் கதர்சட்டகளும்

சில அரக்கர்களின் சுயநலம்

காரண காரியமின்றி உதிர்கிறது

பாவ மனிதர்களின் உயிர்கள்

இறைவன் வரமாட்டன் என்று

நாசம் விளைவித்த நயவஞ்சர்கள்

எங்கோ சிரித்துக் கொண்டு

எந்த ஒரு மதவேதத்திலும்

மனிதர்களை கொள்ளுங்கள் என்று

போதனைகளில் சொல்லப்படவில்லை

மனித உயிர்தின்னும் மிருங்களை

ஊர் நடுவீதியில் நிறுத்தி

பச்சையாய் நெருப்பிட்டு சுட்டுரியுங்கள்

நாளை தளிரிடாது நாசவேர்

கண்ணீர் வளையத்தில் அவள்

2011-07-11T11:24:00.004+04:00

அவள்மேனியில் விழுந்த நிழல்

உறக்கம் கலைத்தவள் திகைத்தாள்

ஈன்றவனின் வக்கிர உருவம்

அகில அண்டங்கள் செயலிழந்து
தரணியில் கருமை படிந்ததருணம்

உயிருள்ள சடலமாக அவள்

உயிருள்ள செத்த சடலத்தை

தவணை முறையில் புசித்தவன்

ஊருக்கும் விருந்து வைத்தான்

அவர்களின் உறவினில் அசுத்தம்

யாரோ ஒருவர் வெளிக்கொணர

ஊரெங்கும் வீசியது உறவின்துர்நாற்றம்

சீழ்பிடித்த சாக்கடை தேடி

ஊடகக் கிருமிகளின் படையெடுப்பு

ஊரெங்கும் பரவியது செய்திநோய்

ஊர்வாய் மெல்ல நவவுணவு

ஜீரனமின்றி குமட்டும் உள்ளங்கள

வக்கிர மிருகங்களுக்கு நற்சேதி

நிழல்களின் உருவ அடையாளங்கள்

காவல்காரர்களின் நீண்ட தேடல்

காட்சிப் பொருளாக வீதியில்அவள்

ஊரின் வெட்ட வெளிச்சங்களில்

நித்தம் அவிழும் அந்தரங்கம்

சவத்தை கொதறும் மிருகங்கள்

கதர்சட்டைகளுக்கு அரசியல் ஆயுதம்

ஊடகங்களுக்கு வியாரப் பொருள்

ஊருக்கு மானக்கேடான கருபுள்ளி

காசுக்கு விலைபோகும் தண்டனைகள்

ஈனர்களில் தொடரும் தவறுகள்

அநீதி இழைக்கப்பட்டவர்களுக்கு கண்ணீர்

நன்மை செய்கிறோம் என்றெண்ணி

நாளைய தவறுக்கு வித்திடும்

நவ சமூகத்தின் கலாச்சாரம்

தீயவைகளை பல்லாக்கில் ஏற்றாமல்

தவறுகளுக்கு தண்டனை நிறைவேற்றுங்கள்

பயப்படட்டும் நாளைய சமூகம்

கனவில் ஒரு தேவதை

2011-07-07T12:14:00.003+04:00

புல்லாங்குழல் ஓசையின் நடுவே

தித்திக்கும் அவளின் சிரிப்பொலி

ஆழ்மனதில் உறங்கியிருந்த ஆன்மா

உறக்கம் கலைத்து விழிதிறந்து

ஆழ்ந்த நித்திரையின் வாசல்திறந்து

நினைவு வீதியல் ஒத்தையாக

பாதையிலிருந்து விலகுகிறது இருள்

பினால்வரும் நிலவினில் அவள்முகம்

தனிமை இருப்புக்களில் சலனங்கள்

புன்னகையால் போர் தொடுக்கிறாள்

மௌனத்தின் ஓசையற்ற வார்த்தைகளால்

காதருகே சொல்லிச் சிணுங்குகிறாள்

அகம்குளிர்ந்து கூசும் அவளின்வார்த்தைகள்

எதையெதையோ பேசும் பித்தானாக

எங்கங்கோ அழைத்து செல்கிறாள்

விண்ணில் சிறகின்றி பறக்கிறேன்

உலகின் அழகுகளால்அலங்கரித்த்

அவள் குடியிருக்கும் அழகுதேசம்

காதல் தேசத்தை ஆளும்

தேவதைகளின் அரசி அவள்

அவள் இதையச் சிறையில்

இன்றுமுதல் காதல் கைதி

அவள் இதழின் முத்தங்கள்

காதலுக்கான நித்த தண்டனை

முதல் முத்தம் பதிக்க

என் இதழருகே அவளிதழ்

உம்ம உம்மா உம்மா

டேய் டேய் யாருக்குடா முத்தம்

அருகே படுத்திருந்த நண்பனின் அலறல்

கண்விழித்து பார்க்கிறேன் கடிகாரத்தை

காலை எட்டுமணியை தாண்டியமுள்

இச்சே இச்சே எல்லாம் கனவா

அவன் உறங்காத இரவு

2011-07-05T15:02:00.001+04:00

மெல்ல வீசும் தென்றல்

சிதறி விழும் பனித்துளி

இரவுக்கு குளிரூட்டும் மார்கழி

கூடி விளையாடும் விட்டில்பூச்சி

வெளரிய ஒளியுமாய் மின்விளக்கு

வெளிச்சவுமாய் உச்சியில் முழுநிலவு

மரங்களில் முனங்களுடன் பறவைகள்

அழும் வாகனங்கள் உறக்கத்தில்

சபதங்கள் தொலைத்த வீதி

உயர்ந்து நிற்கும் குடியிருப்பு

உறக்கமின்றி வெட்டம் அணைக்காமல்

மூன்றாம் அடுக்கில் ஓர்அறை

பஞ்சு மெத்தை தலைகாணி

இதமாய் குளிர்ரோட்டும் படுக்கறை

எட்டி நிற்கிறது உறக்கம்

பொட்டி தெறிக்கும் சப்தம்

எதைபற்றியோ தற்க்கித்த படி

வீட்டின் தலைவனும் தலைவியும்

இடைவெளியின்றி ஓயாத சப்தம்

வாசல் திறத்து கீழிறங்கி

வீதிக்கு வந்தான் தலைவன்

வெம்பி குமறும் மனம்

உறக்கம் தொலைத்த விழிகள்

மெல்ல நடந்தான் வீதியல்

எந்தக் கவலைகளும் இன்றி

வீதியோர நடை பாதையில்

ஆழ்ந்து உறங்கும் மனிதர்கள்

உறக்கத்தில் விலகிய போர்வை

சத்தமிற்றி தலைவனுக்கு போர்த்தி

தனையும் ஒளித்துக்கொள்ளும் மங்கை

மனதை உறுத்தும் அழகியகாட்சி

சற்று சம்பித்து நிற்றவன்

மெய்மறந்து ஆர்வமாய் இரசித்தான்

நித்த தர்க்கங்களும் சச்சரவுகளும்

இரவிலும் நீளுகிறது பகல்

பணமிருந்தும் எட்டாக்கனியாய் உறக்கம்

விடிய இன்னும் நேரமிருக்கு

ஏகாந்த பெருமூச்சு விட்டபடி

மௌனமாய் மீண்டும் நடந்தான்

திரும்பிப் பார்த்தான் குடியிருப்பை

இன்னும் கண் மூடவில்லை

அவன் வீட்டு விளக்கு

மலரை விற்ற செடி

2011-07-03T16:15:00.001+04:00

அகம் புறம்தள்ளும் உண்மைகள்

நாவை கொமட்டும் கைப்பு

இன்றைய நாளிதழ் செய்திகள்

சுவாசிக்க வழிமறுக்கும் நாளம்

ஆவியாக கொதிக்கும் குருதிகள்

ஊடகத்தின் ஒளிக் கோப்புக்கள்

தளிராத மொட்டு மலரவள்

வாசம் தொலைத்து நிற்கிறாள்

மேய்ந்தது தந்தை வேலி

காமக் கயவர்களின் கட்டிலில்

இரவல் மலராக தளிர்மலர்

மலரை கூவிவிற்ற தந்தைசெடி

சமூகத்தின் உன்னத மேதாவிகள்

பிஞ்சுமலரில் வாசம் நுகர்ந்தவர்கள்

கொடிபோல் நீளும் பட்டியல்

விலக்கபட்ட மனித உறவுகளில்

கோரமாய் அவிழ்க்கப்படும் ஆடை

எழுதப்படாத நவ நாகரீகம்

மாதபோக்கு நின்ற பின்னும்

காளையர் சுகம் தேடுபவர்கள்

குடுமப்த்தில் தொலையும் பத்தினிகள்

பேரப்பிள்ளை வயது மலரிடம்

காமம் தேடும் கிழடுகள்

மேண்மை உடைக்கும் மனிதர்கள்

வியாதியை படரும் நவீனங்கள்

தளிரிலேயே விளையும் பயிர்கள்

நாளைய விஷ உயிர்கொள்ளிகள்

அவனுக்கு தெரியாமல் அவள்

அவளுக்கு தெரியாமல் இவன்

இளையவர்களின் இரகசிய உறவுகள்

உறவு உணவு உடை

விஸ்வரூபத்தில் நவ நாகரீகம்

நோய்வாய்ப்பட்டு மண்ணின் பண்பாடு

மதிகெட்ட மனிதர்களின்

அந்நிய கலாச்சாரத்தின் அலாதி

அழிவின் விளிபில் மனிதம்

உழைப்பின் நிர்வாணம்

2011-07-02T12:03:00.001+04:00

தொடரும் வாழ்க்கை பயணம்

அவரவர் பிழைப்பைத் தேடி

வீதியில் நிரம்பும் மனிதர்கள்

நித்தம் துரத்தும் கடமைகள்

நாழிகையை விழுங்கும் காலம்

அவசரத்தில் துவளும் மனிதர்கள்

சுழலும் பகல் இரவுகளில்

நித்த தேடலுக்கான நெட்டோட்டம்

பல வேஷமிட்டு மனிதர்கள்

மதியின் ஆற்றலை எழுப்புபவன்

உடலின் வியர்வையை ஒழுக்குபவன்

இடையே உதிரத்தை சிதறவிடுபவன்

பாட்டன் சொத்தை வளர்ப்பவர்கள்

மாத ஊதியத்திற்கு கடமைசெய்பவர்கள்

தினக் கூலிக்கு உழைப்பவர்கள்

இருப்பவன் தேடுபவன் இல்லாதவன்

எத்தனை நிறங்களில் மனிதர்கள்

இறைவனின் பேத அடையாளங்கள்

வெறுமையாய் வந்தவன் வெறுமையாய்

தேடுதலின் நிர்வாண உண்மைகள் ஊருக்கு அப்பட்டமான வெளிச்சம்

சொந்தமற்ற அற்ப இரவல்கள்

உழைப்பைக் கொண்டு தேடுபவைகள்

முடிவின்றி தொடரும் மனிதத்தேடல்

இன்ப பாத்திரம்

2011-06-25T17:37:00.000+04:00

பாலினங்களின் உறவுப் பசி

ஒருவர்கொருவர் இரசித்து புசிக்க

உடல் பாத்திரத்தில் இன்பம்

நவ உறவுக் களவுகள்

வாலிபங்களில் இன்பக் களவாடல்

கடிவாளமின்றி வீதியில் பருவம்

ஊருக்கு முந்திவிரிக்கும் தாசி

பொதுக் கழிவறையில் இன்பம்

காசுகொடுத்து அழுக்கை உண்பவர்கள்

களவு உணவை ருசிப்பவர்கள்

களவு களவை களவாடுகிறது

உறவுகளில் களவுபோகும் உறவு

உரிமை உள்ள பாத்திரம்

தெவிட்டாத அமிர்த உணவு

இரசித்து புசிக்கத் தெரியாதவர்கள்

இச்சைகளின் உணர்ச்சிக் கக்கல்

நொடிப்பொழுது ஆயுள் மட்டும்

மரணித்தும் துடரும் உணர்வுகள்

அற்ப ஆயுளுள்ள உணர்ச்சிகள்

மதியற்ற மனிதர்களின் அவசரம்

காயப்பட்டு அழுகிறது உணர்வுகள்

அந்த வீட்டில் பேய்

2011-06-20T16:57:00.003+04:00

ஆளற்ற நடு பகலிலும்

இருள் மூடும் இரவுகளிலும்

பாதகாணிகளை பயமுறுத்தும் வீதி

ஊரை இணைக்கும் தார்சாலை

முச்சந்தியில் பிரியும் வீதி

இடைப்பதையில் அந்த வீடு

நடைபழகிய ஊர் வீதியில்

நடக்க மறுக்கும் மனிதர்கள்

ஊரைகுலுக்கிய அந்த நிகழ்வு

அந்த வீட்டில் பேய்

ஏறிட்டு பார்க்க மனமில்லாமல்

தலைதாழ்த்தி நடக்கும் கோழையர்கள்

உறவுச் சண்டையில் மனமுடைந்து

கயிற்றில் தூங்கி உயிர்விட்டவன்

ஆவியாய் திரிகிறான் ஊர்வதந்தி

யாரோ இயற்றிய கட்டுக்கதை

ஊரைக் கொல்லும் நோய்க்கிருமி

நித்தம் செத்துப்பிழைக்கும் ஊர்வாசிகள்

அலையில் ஒதுங்கிய உடல்

2011-06-18T16:55:00.001+04:00

மறைவதற்கு சில நாழிகைமட்டும்

வேட்கை வெட்டங்களை உள்வாங்கி

கீழ்வானத்தில் பவ்வியம்மாக கதிரவன்

கரையை முத்தமிட்டு விளையாடுகிறது

கடல் தாயில் மடியிலிருந்து

தவழ்ந்துவந்த அலைக் குழந்தைகள்

கரையின் ஓரத்தில் துவாரமிட்டு

அதில் ஒளிந்து விளையாடும்

சின்னச்சிறு குட்டி நண்டுகள்

பொங்கியெழும் பெரும் அலைகள்

முட்டிமோதி உறவாடும் காற்று

சிதறிவிழும் குளிர்ந்தத நீர்த்துளிகள்

அன்றைய கதைகள் பேசியபடி

ஒற்றுமையுடன் வீடு திரும்பும்

இரைதேடிச் சென்ற பறவைகள்

பரந்த கரைமணல் விரிப்பில்

அங்காங்கே நின்றும் அமர்ந்தனர்

எங்கிருந்து வந்த மனிதர்கள்

தேடிவந்த மனித பாதங்களின்

அழுக்கை பாரபச்சமிற்றி கழுவியது

அலையில் வந்த நீர்த்துளிகள்

கரையருகே தளும்பும் அலைநீரில்

மனிதர்கள் குளித்து விளையாட

வேடிக்கை பார்த்தபடி சிலர்

மனித கூடங்களுக்கு இடையே

ஆவிபறக்கும் சுண்டலும் தேநீரும்

கூவிக்கூவி விற்ற்கும் சிறுவர்கள்

மூக்கை நன்றாக பொத்தியபடி

அங்கு தூரத்தில் ஓரிடத்தில்

எதையோ மொய்த்தபடி மனிதர்கள்

சுயம் மரணம் தேடியோ

பேரலையில் தவரலாக சிக்கியோ

கடல் மட்டும் சாட்சி

உயிரை மட்டும் உட்கொண்டு

அலைகள் கரையில் ஒதுக்கியது

நீரில் ஊறிய மனிதசடலத்தை

மீன்கள் பிச்சு சீண்டி

அடையாளம் தொலைத்த முகம்

உறவுகளை தேடும் அனாதைசடலம்

முந்தாநாள் கரையோரத்தில் பார்த்தேன்

மென்குரலில் சொன்னான் சகநண்பனிடம்

சுண்டல் விற்கும் சிறுவன்

எங்கோ ஒரு குடும்பத்தில்

இவன் வரவையும் எதிர்பார்த்து

உறவுகளும் அவன் தாயும்

அந்த கிராமத்து மனிதர்கள்

2011-06-12T16:32:00.001+04:00

நகரத்திலிருந்து சுமந்துவந்த பேரூந்து

இறுதியில் இறக்கி சென்றது

அடையாளம் தெரியாத சிற்றூரில்

ஊரின் பெயரெழுதிய திசைகாட்டி

அதனருகே பிரியும் ஒத்தையடிபாதை

தார்சாலை விலக்கப்ட்ட கிராமம்

பச்சை வயலின் நடுவே

வெட்கப்பட்டு நெளிந்தபடி பாதை

நிழல்களை போர்த்திநிற்கும் மரங்கள்

வளைந்து நெளிந்து நீளும்பாதை

பழைய பாடல்களை கக்கியபடி

பாதையோரத்தில் சிறு தேநீர்விடுதி

வானம்பார்க்கும் முறுக்கு மீசை

முரட்டுவிளியும் கரடுமுகமும்

நாற்காலியில் ஒய்யாரமாய் ஊர்வாசிகள்

அந்த வீட்டுக்கு போகவேண்டும்

அடையாள முகவரி வினவல்

அறிமுகம் தெரியாத மனிதர்கள்

ஏன் எதற்கு எங்கிருந்து

பெயரென்ன யாரைப் பார்க்கணும்

அவர்களிடம் முளைத்த வினாக்கள்

விழிகளால் களவாடபட்டுது முகம்

பதிலுரைத்த இதழின் சொற்களை

பதிவு செய்தார்கள் அகத்தில்

புதிதாய் நுழையும் மனிதர்கள்

கிராமத்தின் தொடர் எல்லையில்

விசாரிக்கப் படுகிறது அடையாளங்கள்

விபரங்களை சேகரித்த அவர்கள்

கைநீட்டி திசை காட்டினார்கள்

கொஞ்சம் தூரத்தில் அந்தவீடு

சாயா தண்ணி குடிக்கிறீங்களா

கபடமற்ற அவர்களின் உபசரிப்பு

அருந்திய தண்ணீரில் குளிர்ந்துஅகம்

அவருக்கு வீட்டை காட்டு

அங்கு விளையாடிய சிறுவனை

அனுப்பினார்கள் வழித் துணையாக

எத்தனை நல்ல மனிதர்கள்

சல்லடை இட்டு அரித்தாலும்

நகரங்களில் காண்பது அரிது

கானல் இரவல் புன்னகை

சாயமும் முகமூடியும் முகத்தில்

நகரங்களில் நாகரீக மனிதர்கள்

முகத்தில் பயக்கும் கோபம்

அகத்தில் கனியும் நண்மைகள்

மாறாத கிராமத்து மண்வாசனை

மனதில் எண்ணங்களின் ஓட்டம்

இயற்கையை ரசித்தபடி நடைபயணம்

ஊரை அடைந்து வந்தபாதை

வீடுவரை வழிகாட்டிய சிறுவன்

கிராமங்களில் இன்னும் இறக்கவில்லை

பச்சையான மண்வாசனை மனிதர்கள்

மண(ன)விலக்கு

2011-06-08T15:57:00.003+04:00

ஈருடலில் ஓருயிர் மரணம்வரை

இறை சத்தியத்தின் முன்

உறவுகளின் மண ஒப்பந்தங்கள்

சிறையில் மன எண்ணங்கள்

நோயால் செயலிழக்கும் அன்பு

உறக்கம் கலைக்கும் குறைகள்

உள்ளத்தில் புரிதலின் மரணம்

உறவில் ஒப்பந்த திருத்தல்

உடைகிறது மண வாக்குறுதிகள்

பரஸ்பரம் உள்ளம் பரிமாறியவர்கள்

முறிக்கிறார்கள் பந்த உறவுகளை

மனதில் எண்ணங்களின் ஒவ்வாமை

நீதி மன்றங்களில் அவிழ்கிறது

உறவுகளின் உறவு இரகசியங்கள்

தலைதாழ்த்தி நிற்கும் தாம்பத்தியம்

கட்டில் உறவு உடைகையில்

வீதியில் கேவிச் சின்னமாய்

தொட்டில் உறவுகள்

உறவு பந்தங்களில் இருந்து

விடுபடும் பழைய உறவுகள்

விண்ணப்பங்களுடன் புதிய உறவுகள்

மனித உறவுகளில் தொடர்கிறது

நவநாகரீக உறவு ஒப்பந்தகள்

கழிப்பறையாகும் கற்புத் தலங்கள்

நித்த ஆடையாகும் உறவுகள்

நவ உறவுக் கோட்பாடு

சிதையும் மண்ணின் மரபு

பேரூந்தில் அழும் பயணி

2011-06-06T10:20:00.000+04:00

நான் இந்த ஊருக்குசெல்பவன்

நெற்றியில் முகவரி அடையாளம்

பயணிகளை களவாடும் பேரூந்து

ஒவ்வொரு மனிதர்களுக்கும்

ஒவ்வொரு பயணக் காரணங்கள்

முடிவின்றி தொடரும் பயணங்கள

எங்கிருந்தோ வந்த மனிதர்கள்

ஏறி அமர்ந்தனர் எங்கோபோவதற்கு

முனங்கலுடன் புறப்பட்ட பேரூந்து

எங்க போறீங்க எழும்வினாக்கள்

ஒரேஇருக்கையில் தெரிந்தவர் தெரியாதவர்

புன்னகையில் பரிமாறப்பட்டது அறிமுகங்கள்

பின்னோக்கி ஓடும் மரம்செடிகள்

வேகத்தில் தொலையும் சிற்றூர்கள்

தூரங்களை விழுங்கியபடி பேரூந்து

ஜன்னலோரங்களில் வெளி ரசிப்பவர்கள்

ஊர் உறவுக்கதைகள் பேசுபவர்கள்

சொல்லின் நர்மத்திற்கு புன்னகைப்பவர்கள்

பீரிட்ட வேகத்தில் பேரூந்து

ஜன்னலுடன் சண்டையிடும் காற்று

சப்தங்கள்தொலைந்து மௌனத்தில் பயணிகள்

கடைசி இருக்கையில் இருந்து

பயணிகளின் காதை நிரப்பியது

ஒசைத்யற்ற ஓர் அழுகைக்குரல்

விழிகளில் வடியும் கண்ணீர்

சோகம் சுமந்த முகம்

சலனங்கள் போர்த்திய உருவம்

இருக்கையில் உறைக்காத இருப்பு

கைகடிகாரத்தை அடிக்கடி உற்றுப்பார்த்தால்

தன்ஊரை எதிர்பார்த்து அவர்

எதற்கோ அந்தமனிதர் அழுகிறார்

காரணம் புலப்படாத சகபயணிகள்

விழிகளால் வீசினார்கள் அனுதாபங்களை

துக்கத்தில் மனமிழகிய சகபயணி

மென்குரலில் அழுகையில் காரணம்கேட்க

விதும்பலுடன் இதழ் திறந்தார்

வீட்டு முற்றத்தில் காத்துகிடக்குது

குளிக்கையில் ஆற்றில் மூழ்கியிறந்த

பெற்ற ஒத்தமகனின் சடலம்

சொல்லின் முடிவில் அழுகை

தாரைதாரையாக கண்ணீர் துளிகள்

கேட்டு நின்ற விழிகளில்

அனுதாப சங்கடத்துடன் பேரூந்துபயணிகள்

ஆறுதல் சொல்லியபடி சகபயணி

ஊர்வரை அழுதுகொண்டு அவர்

வீதியில் அவள்

2011-06-01T11:42:00.002+04:00

நித்தம் மது குடித்து

சுயம் இழந்த தகப்பன்

சீக்கு பிடித்து மூலையில்

நேற்றுவரை உழைத்த தாய்

உடுக்க நல்ல துணியில்லை

பள்ளி உறவைமுறித்து தம்பிகள்

நித்த பசிக்கு திண்டாட்டம்

வறுமை வேலிக்குள் வீடு

தலைபிள்ளை பருவம் எய்தவள்

காலம் உடுத்திய அடையாளம்

குடும்ப வறுமையை துடைக்க

சமூக வீதியில் அவள்

நாலுவீட்டில் அடுப்பாங்கரை வேலை

நிரம்பியது உறவுகளின் வயிறு

வீதி பணி இடங்கள்

பருவம் கொத்தும் காமக்கழுகுகள்

மேலாடை பொத்தல் கிழிசல்கள்

மோப்பம் பிடிக்கும் செந்நாய்கள்

இருட்டறையில் ஆடை அவிழ்க்க

வறுமைக்கு விலைபேசும் செல்வந்தர்கள்

காம சங்கிலி அவிழ்த்து

சமூகத்தில் உலவும் உடல்திண்ணிகள்

வறுமையில் இளமை கொடியது

வீழ்ந்தால் படுகுழியாகும் தோல்வி

கோபத்தை ஆயுதாமாக ஏந்தி

வாழ்க்கைவீதியில் நெருப்பாய் அவள்

தோற்காமல் வீறுடன் இவள்

எங்கோ தோற்கும் பெண்மைகள்

கட்டில் இரகசியம்

2011-05-30T14:16:00.003+04:00

ஊர்மேயும் பருவத் தவறுகள்

உணர்ச்சிகள் வற்றிய ஆண்மைகள்

வருடலுக்கு ஏங்கும் பெண்மைகள்

விழிப்பில் பெண் விழிகள்

ஆழ்ந்த உறக்கத்தில் ஆண்விழி

நரகவேதனை உடுத்தும் நாழிகைகள்

கட்டிலில் உணவாக தாம்பத்தியம்

எங்கோ உண்டகளைப்பில் ஆண்மை

உண்ண ஆளற்று பெண்மை

தனிமையின் கோரமான சித்திரவாதை

ஏக்கங்களை மூடும் இருள்கருமை

கண்ணீரை சுமக்கும் தலையணை

கட்டிலுக்கு உதவாத ஆண்மைகள்

நகரும் ரணமான வாழ்க்கை

மரபை உடைக்காத பெண்மைகள்

ஆண்மை துலைத்த ஆண்மைகள்

மலடுபட்டம் சுமக்கும் பெண்மைகள்

வார்த்தைகளால் குத்தும் உறவுகள்

ஊர் போற்றும் ஆண்மைகள்

பெண்மை துயர்துடைக்க நட்டலில்லை

துயரத்தில் கட்டில் இரகசியம்

எங்கள் இச்சைக்காக புலம்பவில்லை
நீ தட்டியெழுப்பிய உணர்ச்சிகள்

அழுகிறது நித்திரை தொலைத்து

மலர் நிலவு கவிதை

கானல் உவமைகளில் பெண்மை

சுயம் தற்காக்கும் ஆண்மைகள்

தவறுகளை தொடரும் உறவுகள்

ஊருக்காக போலி வாழ்க்கை

மன்னிக்க முடியாத மனிதபாவம்

பிறக்கும் இரு பாலினத்தின்

வாழ்வின் அர்த்தம் உணர்த்துகிறது

மணவாழ்க்கையின் தாம்பத்தியம்

மனப்பொருத்தம் பார்க்கும் உறவுகள்

அறிந்துகொள்ள மறந்து விடுகிறார்கள்

ஆண்மை பெண்மை சான்றிதழை

மனிதனும் தவறுகளும்

2011-05-29T15:22:00.000+04:00

அமிர்த கோபம் சந்தோசம்

தனிமைகளில் விலங்கு அவிழ்க்க

தவறுக்கு அடிமையாகும் மனிதர்கள்

இச்சைகளை தட்டியெழுப்பும் மதி

வக்கிரங்களை தூசிதட்டும் மனம்

உறக்கம் கலைக்கும் தவறுகள்

எந்த விழிகளும் கவனிக்கவில்லை

சிறைக்குள் பூட்டப்படும் மனசாட்சி

கண்ணைகட்டிய தவறுகளின் வெறியாட்டம்

கற்பு வாக்குறுதி நம்பிக்கை

பிழையில் நிறுத்தும் மனிதர்கள்

உடைந்து நொறுங்கும் புனிதங்கள்

பிழைகள் இழைந்த மனிதர்கள்

சுயத்திற்கு கபடசாயம் பூசல்

திரைக்குள் ஒழியும் தவறுகள்

மண் பொன் பயம்

குருடாகும் மனித விழிகள்

மான்னிய வேடமிட்டு தவறுகள்

தவறு இழைப்பவனுக்கும் காயம்

இருமுனைக் கூர்மை ஆயுதம்

உணராமல் தொடரும் தவறுகள்

இறைவன் அவன் பார்க்கிறான்

உணரும் மனிதர்கள் அகத்தில்

அச்சத்துடன் நிற்கும் தவறுகள்

சுய தவறுகளை உணர்ந்தும்

மனிதர்கள் முன் மறைத்து

தொடரும் மனித தவறுகள்

நாளைய நீதி தீர்ப்பு

மௌனம் காக்கும் இறவன்

பாவம் தவறுசெய்யும் மனிதர்கள்

அவளின் அழகிய கோபம்

2011-05-26T15:36:00.000+04:00

தொட்டால் சிணுங்கும் பெண்செடி

அதை தொட்டுவிளையாடும்

உன் சிறுகுழந்தை நான்

ஊடல் நீரலையில் தாமரையாட

இலையிதழ் மடியினில் தத்தளிக்கும்

நீர்த்துளி குழந்தை நான்

உன் மௌனக் குழந்தைகள்

என்னுடன் வீண் சண்டையிட

முகமூடியிட்டு திகிறது புன்னகை

நீ ஆக்கிய உணவு

உண்ண முடியாமல் நான்

பாத்திரம் நிறைய கோபம்

எத்தனை அழகான காட்சி

உன் முகத்தில் ஒளிரும்

கோபம் என்னும் வானவில்

உன் புன்னகையை புறம்தள்ளி

என்னை ஈர்க்கும் காந்தம்

சிறு சிறு சிணுங்கல்கள்

புன்னகை கோபம் மௌனம்

என் ஆண்மையை ஆளும்

கூர்மையான உன் ஆயுதங்கள்

ஒரு மரம் பேசுகிறது

2011-05-25T17:13:00.000+04:00

ஊர் வீதியை அலங்கரித்து

வழி பிரிக்கும் முச்சந்தியில்

ஒய்யாரமாய் நிற்கும் பொதுமரம்

பிரச்சனை கூடும் பஞ்சாயத்து

மனிதர்களின் சொல்லடி பட்டு

மௌனமாக நிற்கும் மரம்

தன் நிழல் மடியில்

இளைப்பாறும் வழிபோக்கர்கள்

கிளைகாளால் விசுறும் மரம்

தொங்கி விளையாடும் சிறுவர்கள்

வளைந்து கொடுக்கும் கிளைகள்

அன்பிற்கு தாழ்ந்துகொடுக்கும் மரம்

வெட்டி நியாயம் அடுக்கியபடி

ஊர்க்கதை பேசும் பெருசுகள்

வேடிக்கை பார்க்கும் மரம்

தாய்ப் பறவைகள் இரைதேடி

கிளையில் உறங்கும் பறவை குஞ்சுகள்

கற்றே மெல்லமாய் வீசு

என்குழந்தைகளை நசுக்காதீர்கள்

மௌனமாக வினவும் மரம்

காலடியில் உதிர்ந்த சருகுகள்

தளிரும் கிளைகளை களையுங்கள்

என் தலையை வெட்டி

பாவம் சுமக்காதீர்கள்

மரத்தில் பேய் இருக்கு

யாரோ சொன்ன பொய்

முறைத்துக் கொண்டு ஊர்மக்கள்

மனிதர்களின் இல்லாப் பழிசுமந்து

வார்த்தைகள் இன்றி அழுகிறது

பேச இயலாத மரம்

வளர்த்து விட்ட ஊர்மக்கள்

உறவாட மறுக்கையில்

ரணமாகிறது மரத்தின் தனிமை